മലയാളത്തിലെ എക്കാലത്തെയും മികച്ച ഹിറ്റുകളിൽ ഒന്നായ പൃഥ്വിരാജ് – ബിജു മേനോൻ ചിത്രം അയ്യപ്പനും കോശിയും തമിഴിൽ റീമേക്കിൽ പ്രധാന താരങ്ങൾ ആകുവാൻ കാർത്തിയും പാർത്തിപനും. പൃഥ്വിരാജ് ചെയ്ത കോശി എന്ന കഥാപാത്രം കാർത്തിയും, അയ്യപ്പൻ നായരുടെ റോൾ പാർത്തിപനും സ്ക്രീനിൽ എത്തിക്കും. നേരത്തെ അന്തരിച്ച സംവിധായകൻ സച്ചിയും ഒരു അഭിമുഖത്തിൽ അയ്യപ്പനും കോശിയും തമിഴിലേക്ക് റീമേക്ക് ചെയ്താൽ കാർത്തിയും പാർത്തിപനും ആ റോൾ ചെയ്യുകയാണെങ്കിൽ നന്നായിരിക്കും എന്ന് അഭിപ്രായപ്പെട്ടീരുന്നു. ഫൈവ് സ്റ്റാർ ഫിലിംസ് ആണ് ചിത്രത്തിന്റെ റീമേക്ക് അവകാശം വാങ്ങിയിരിക്കുന്നത്. പൊന്നിയിൻ സെൽവൻ, സുൽത്താൻ എന്നീ ചിത്രങ്ങൾക്ക് ശേഷമാകും കാർത്തി ഈ ചിത്രം ചെയ്യുക എന്നാണ് തമിഴകത്ത് നിന്ന് വരുന്ന റിപ്പോർട്ടുകൾ.