പ്രശാന്ത് നീൽ സംവിധാനം ചെയ്ത് യഷ് പ്രധാന വേഷത്തിലെത്തുന്ന ‘കെ ജി എഫ് – ചാപ്റ്റർ 2’ ന്റെ ടീസർ ഇന്നലെ രാത്രിയാണ് അണിയറ പ്രവർത്തകർ പുറത്തിറക്കിയത്. ഇന്ന് രാവിലെ പുറത്തിറക്കാനിരുന്ന ടീസർ രാത്രി ലീക്ക് ആയതോടെയാണ് അണിയറ പ്രവർത്തകർ ടീസർ രാത്രി തന്നെ റിലീസ് ചെയ്തത്. യഷിന്റെ ജന്മദിന സമ്മാനമായി പുറത്തിറങ്ങിയ ടീസർ ഇന്ത്യ ഒട്ടുക്കും മാത്രമല്ല ലോകമെങ്ങുമുള്ള സിനിമ പ്രേമികൾ ആവേശത്തോടെയാണ് സ്വീകരിച്ചത്. ഏറ്റവും വേഗത്തിൽ 1 മില്യൺ ലൈക്സ് നേടുന്ന ലോകത്തിലെ തന്നെ ടീസർ എന്ന നേട്ടത്തിൽ തുടങ്ങി റിലീസ് ചെയ്ത് 12 മണിക്കൂർ പിന്നിടുമ്പോൾ 15 മില്യൺ കാഴ്ചക്കാരും 2 മില്യൺ ലൈക്സും കെ ജി എഫ് ടീസർ സ്വന്തമാക്കി കഴിഞ്ഞു.
നടൻ പൃഥ്വിരാജിന്റെ നിർമ്മാണ കമ്പനിയായ പൃഥ്വിരാജ് പ്രൊഡക്ഷൻസ് ആണ് കെ ജി എഫ് ചാപ്റ്റർ 2 കേരളത്തിൽ വിതരണത്തിനെത്തിക്കുന്നത്.