മലയാള സിനിമയിലെ ശ്രദ്ധേയ സാന്നിധ്യമാണ് കുഞ്ചാക്കോ ബോബൻ. ഇപ്പോഴിതാ അദ്ദേഹം സിനിമ അനുഭവങ്ങളും കാഴ്ചപ്പാടും പങ്കുവയ്ക്കുകയാണ്. എപ്പോഴും പുതുക്കുന്ന നടനാണ് താൻ എന്നാണ് കുഞ്ചാക്കോ അടുത്തിടെ നൽകിയ ഒരു അഭിമുഖത്തിൽ പറഞ്ഞത്. എല്ലാം അറിയാമെന്ന ഭാവമില്ല എന്നും അദ്ദേഹം പറയുന്നു.
സിനിമയിൽ വന്നിട്ട് ഒരുപാട് വർഷം ആയെങ്കിലും എല്ലാം അറിയാമെന്ന ഭാവം തനിക്ക് ഇല്ലെന്ന് കുഞ്ചാക്കോ പറയുന്നു. ജയസൂര്യ അടുത്തിടെ താൻ എങ്ങനെയാണ് മാറേണ്ടത് എന്ന് ചോദിച്ചു എന്നും താരം ഓർമ്മിക്കുന്നു. എന്നാൽ ജയസൂര്യ വളരെയധികം മാറി എന്നും, തന്നെപോലെ ഉള്ളവരാണ് മാറേണ്ടത് എന്നുമാണ് താൻ മറുപടി നൽകിയത് എന്നും കുഞ്ചാക്കോ പറയുന്നു.
ഓരോ സിനിമയിലും താൻ സഹ താരങ്ങളിൽ നിന്നും ഓരോ പുതിയ കാര്യങ്ങൾ പഠിക്കുകയാണെന്നും അദ്ദേഹം പറയുന്നു. എത്ര വർഷമായി സിനിമയിൽ ഉണ്ടെന്നതിൽ കാര്യമില്ലെന്നും കുഞ്ചാക്കോ പറയുന്നു. ആദ്യ സിനിമകളിൽ റൊമാനിറ്റിക് ഹീറോ പരിവേഷം ഉണ്ടായിരുന്ന അദ്ദേഹം ഇടവേളയ്ക്ക് ശേഷം വലിയ മാറ്റത്തോടെയാണ് തിരികെ എത്തിയത്. വ്യത്യസ്തമായ കഥാപാത്രങ്ങൾ കൊണ്ട് പലപ്പോഴും അദ്ദേഹം പ്രേക്ഷകരെ അമ്പരിപ്പിക്കാറുമുണ്ട്. ഫാസിലിന്റെ അനിയത്തിപ്രാവിലൂടെയാണ് അദ്ദേഹം മലയാള സിനിമയിൽ നായകനായി അരങ്ങേറ്റം കുറിച്ചത്.