പൃഥ്വിരാജ്‌ നായകനും നിർമ്മാതാവും ആകുന്ന ‘കുരുതി’ എന്ന സിനിമയുടെ പോസ്റ്റർ കഴിഞ്ഞ ദിവസമാണ് പുറത്തിറക്കിയത്‌. നവാഗതനായ മനു വാര്യർ ആണ് ചിത്രം സംവിധാനം ചെയ്യുന്നത്‌. മലയാളത്തിൽ ആദ്യ സംരംഭമാണെങ്കിലും ബോളിവുഡിൽ പ്രവർത്തി പരിചയമുള്ള ആളാണ് മനു വാര്യർ. അർജുൻ മാതുർ അഭിനയിച്ച കോഫീ ബ്ലൂം എന്ന ചിത്രം സംവിധാനം ചെയ്തിട്ടുള്ള മനു വാര്യർ, അനുരാഗ്‌ കശ്യപ്‌ ഒരുക്കി അമിതാഭ്‌ ബച്ചൻ അഭിനയിച്ച്‌ 2014ൽ പുറത്തിറങ്ങിയ ‘യുദ്ധ്‌’ എന്ന ടെലിവിഷൻ സീരീസിന് തിരക്കഥയും നിർവഹിച്ചിട്ടുണ്ട്‌.
റോഷൻ മാത്യൂ, ഷൈൻ ടോം ചാക്കോ, മുരളി ഗോപി, മാമുക്കോയ, ശ്രിന്ദ, മണികണ്ഠൻ ആചാരി, നവാസ്‌ വള്ളിക്കുന്ന്, നെസ്ലൻ, സാഗർ സൂര്യ തുടങ്ങിയവരും ചിത്രത്തിലുണ്ട്‌.
അഭിനന്ദൻ രാമാനുജം ആണ് ചിത്രത്തിന്റെ ഛായാഗ്രഹണം നിർവഹിക്കുന്നത്‌. റഫീഖ്‌ അഹമ്മദ്‌ ഗാനരചന ഒരുക്കുന്ന സിനിമയുടെ സംഗീതം ജേക്സ്‌ ബിജോയ്‌ ആണ്. അനിഷ്‌ പള്ളിയാൽ കഥ ഒരുക്കുന്ന ‘കുരുതി’ ഡിസംബർ 9ന് ആണ് ചിത്രീകരണം ആരംഭിക്കുന്നത്‌. അഖിലേഷ്‌ മോഹൻ എഡിറ്റിംഗും ഗോകുൽ ദാസ്‌ പ്രൊജക്റ്റ്‌ ഡിസൈനും നിർവഹിക്കുന്നു. ആനന്ദ്‌ രാജേന്ദ്രൻ ആണ് ചിത്രത്തിന്റെ പോസ്റ്റർ ഒരുക്കിയിരിക്കുന്നത്‌. കോസ്‌റ്റ്യൂം ഇർഷാദ്‌ ചെറുകുന്ന്, മേക്കപ്‌ അമൽ, ലൈൻ പ്രൊഡ്യൂസർ ഹാരിസ്‌ ദേസം, സ്റ്റിൽസ്‌ സിനാറ്റ്‌ സേവ്യർ, സൗണ്ട്‌ എഡിറ്റ്‌ & ഡിസൈൻ അരുൺ വർമ, ഓഡിയോഗ്രഫി രാജകൃഷ്ണൻ, പ്രൊമോഷൻ പൊഫ്ഫാക്റ്റ്യോ.