യുവതാരം പൃഥ്വിരാജ് സുകുമാരന്റെ സംവിദാനത്തില്‍ മലയാളത്തില്‍ സൂപ്പര്‍ ഹിറ്റായ ചിത്രമാണ് ലൂസിഫര്‍. മോഹന്‍ലാല്‍ നായകനായ മാസ് ചിത്രം ഇരുന്നൂറുകോടി ക്ലബ്ബിലും സ്ഥാനം പിടിച്ചിരുന്നു. ചിത്രത്തിന്റെ തെലുങ്ക് റീമേക്കിന് അവകാശം സ്വന്തമാക്കിയത് മെഗാസ്റ്റാര്‍ ചിരഞ്ജീവിയാണ്. എന്നാല്‍ ഇപ്പോഴിതാ സംവിധായകനെ കിട്ടാതെ ലൂസിഫര്‍ തെലുങ്ക് റീമേക്ക് പ്രതിസന്ധിയിലാണെന്നാണ് വാര്‍ത്തകള്‍ വരുന്നത്. സാഹോ ഒരുക്കിയ സംവിധായകന്‍ സുജീത്തിനെയായിരുന്നു ആദ്യം തീരുമാനിച്ചത്്. പിന്നീട് അദ്ദേഹത്തെ ഒഴിവാക്കി. അതിനുശേഷം തെലുങ്കിലെ സൂപ്പര്‍ഹിറ്റ് സംവിധായകനായ വി വി വിനായക് ഈ സിനിമ ഏറ്റെടുത്തു. എന്നാല്‍ വിനായകും ഇപ്പോള്‍ ഈ സിനിമയില്‍ നിന്ന് പുറത്തായിരിക്കുകയാണ്.
ചിരഞ്ജീവിയുടെ തൃപ്തിക്ക് അനുസരിച്ച് തിരക്കഥ ശരിയാക്കാന്‍ കഴിയാതിരുന്നതാണ് സംവിദായകരെ മാറ്റാന്‍ കാരണം. ഇനി പൃഥ്വിരാജ് തന്നെ ഈ സിനിമ തെലുങ്കിലും സംവിധാനം ചെയ്യേണ്ടിവരുമോ എന്നാണ് ആരാധകര്‍ ചോദിക്കുന്നത്. ആദ്യം പൃഥിയെ സംവിധായകനാകാന്‍ ചിരഞ്ജീവി ക്ഷണിച്ചെങ്കഗിലും താരം നിരസിക്കുകയായിരുന്നു.