മലയാളത്തിന്റെ പ്രിയകവിയും ഗാനരചയിതാവുമാണ് റഫീഖ് അഹമ്മദ്. ഇപ്പോഴിതാ തിരക്കഥ രചനയിലേക്ക് തിരിയുകയാണ് അദ്ദേഹം. ആദ്യ രചന ബോളിവുഡ് ചിത്രത്തിന് വേണ്ടിയാണെന്നാണ് ഇപ്പോൾ പുറത്തുവരുന്ന വാർത്തകൾ. വിജീഷ് മണിയാണ് ചിത്രത്തിന്റെ സംവിധായകന്‍. വ്യത്യസ്തമായൊരു പ്രണയകഥയാണ് ചിത്രത്തിന്റെ പ്രമേയം. ഗുരുവായൂര്‍ ക്ഷേത്ര നടയുടെ മുന്നില്‍വെച്ച്‌ സംവിധായകന്റെ കൈയില്‍ നിന്ന് പേപ്പറും പേനയും ഏറ്റുവാങ്ങിയാണ് റഫീഖ് അഹമ്മദ് തന്റെ തിരക്കഥ എഴുതാൻ തുടങ്ങിയത്.
മലയാളത്തില്‍ എഴുതുന്ന തിരക്കഥ ഹിന്ദിയിലേക്ക് വിവര്‍ത്തനം ചെയ്യുന്നത് പ്രശസ്ത ബോളിവുഡ് സംവിധായകരായ അബ്ബാസ് മസ്താന്‍ സഹോദരങ്ങളാണ്.ന്യൂഡല്‍ഹിയിലും വയനാട്ടിലുമായി സിനിമയുടെ ചിത്രീകരണം നവംബറില്‍ തുടങ്ങാനാണ് സാധ്യത.