തന്റെ പ്രിയതമയ്ക്ക് ആശംസ നേർന്ന് കൊണ്ട് നടൻ മാധവൻ പങ്കുവച്ച കുറിപ്പാണ് ഇന്ന് ട്രെന്റിംഗ്. ബോളിവുഡിലും, ദക്ഷിണേന്ത്യയിലും ഒരു പോലെ ആരാധകരുള്ള താരമാണ് മാധവൻ. താരത്തിന്റെ വിശേഷങ്ങളും, ചിത്രങ്ങളുമെല്ലാം ആരാധകർ എന്നും ആഘോഷമാക്കാറുണ്ട്.
ഇന്സ്റ്റഗ്രാമിലാണ് ഭാര്യ സരിത ബിര്ജേയ്ക്ക് ആശംസകള് അറിയിച്ചുകൊണ്ടുള്ള കുറിപ്പ് മാധവന് ഷെയര് ചെയ്തത്. “എനിക്കറിയാവുന്ന ഏറ്റവും കരുതലുള്ള, നിശ്ചയദാര്ഢ്യമുള്ള, ശക്തയായ സ്ത്രീ.. ഭാഗ്യവശാല് അവളെന്റെ ജീവിതത്തിലെ പ്രണയം കൂടിയാണ്. എന്റെ പ്രണയമേ ജന്മദിനാശംസകള്,” എന്നാണ് മാധവൻ കുറിച്ചത്.
1991 മുതൽ സുഹൃത്തുക്കളാണ് മാധവനും സരിതയും. എയർഹോസ്റ്റസായിരുന്ന സരിതയുമായി പിന്നീട് താരം പ്രണയത്തിലാകുകയായിരുന്നു.1999 ൽ ഇരുവരും വിവാഹിതരായി. ഈ ദമ്പതികളുടെ ഏക മകനാണ് വേദാന്ത്.