ഇന്നലെയാണ് മമ്മൂക്ക – വൈശാഖ്‌ ടീമിന്റെ മധുരരാജ ടീസർ പുറത്തിറങ്ങിയത്‌. ഇറങ്ങി മിനിറ്റുകൾ കൊണ്ട്‌ തന്നെ മലയാളത്തിലെ സകല ടീസർ റെക്കോർഡുകളും മധുരരാജ ഭേദിച്ചിരുന്നു. ആദ്യ 20 മിനുറ്റ്‌ കൊണ്ട്‌ 1 ലക്ഷം കാഴ്ചക്കാർ ആണ് ടീസർ കണ്ടത്‌. ഇപ്പോഴിതാ 15 മണിക്കൂർ കൊണ്ട്‌ 13 ലക്ഷത്തിനടുത്ത്‌ കാഴ്ചക്കാരും 1 ലക്ഷത്തിന് മേലെ ലൈക്സുമായി രാജയുടെ രാജകീയ വരവ് യൂട്യൂബിൽ ആഘോഷമാക്കിയിരിക്കുകയാണ്. മലയാളത്തിൽ ഒരു ടീസറിന് കിട്ടുന്ന ഏറ്റവും മികച്ച വരവേൽപ്പ്‌ ആണിത്‌. 24 മണിക്കൂർ പൂർത്തിയാക്കാൻ ഇനി മണിക്കൂറുകൾ ഉണ്ടെന്നിരിക്കെ എത്രകണ്ട്‌ ഇനി വ്യൂസും ഉയരും എന്നാണ് പ്രേക്ഷകർ ഉറ്റുനോക്കുന്നത്‌.
