മികച്ച നടി മാത്രമല്ല മലയാളത്തിലെ പ്രമുഖ താരകുടുംബത്തിലെ ഗൃഹനാഥകൂടിയാണ് മല്ലികാ സുകുമാരൻ. ഇത്തവണ നടക്കുന്ന തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ മല്ലിക സുകുമാരൻ സ്ഥാനാർഥിയാകുമെന്ന് ചില വാർത്തകൾ പുറത്തുവന്നിരുന്നു. എന്നാൽ ഇപ്പോഴിതാ വാർത്തകളെ തള്ളി രംഗത്തുവന്നിരിക്കുകയാണ് നടി.
തദ്ദേശ തെരഞ്ഞെടുപ്പില് മല്ലിക സുകുമാരന് തിരുവനന്തപുരം കോര്പറേഷന് കീഴിലുള്ള വലിയ വിള വാര്ഡില് കോണ്ഗ്രസ് സ്ഥാനാര്ത്ഥി ആകുമെന്നായിരുന്നു പ്രചരണം. എന്നാൽ വാര്ത്ത തികച്ചും അടിസ്ഥാന രഹിതമാണെന്നും ഉടന് രാഷ്ട്രീയത്തിലേക്കില്ലെന്നും മല്ലികാ സുകുമാരന് വ്യക്തമാക്കി.
അടുത്തിടെ ഒരു അഭിമുഖത്തില് താന് ഒരു കോണ്ഗ്രസുകാരിയാണെന്നും ഭര്ത്താവ് സുകുമാരന് ഇടതു ചിന്താഗതിക്കാരനായിരുന്നെന്നും നടി വെളിപ്പെടുത്തിയിരുന്നു. തുടർന്നാണ് സ്ഥാനാർത്ഥിയാകുമെന്ന പ്രചാരണം പുറത്തുവന്നത്.