മലയാളി പ്രേക്ഷകരുടെ ഇഷ്ട താരജോഡികളാണ് മെഗാസ്റ്റാർ മമ്മൂട്ടിയും ലേഡി സൂപ്പർസ്റ്റാർ നയൻ താരയും. ഇരുവരും ജോഡികളായെത്തുന്ന ചിത്രങ്ങൾ ഏറെ ആവേശത്തോടെയാണ് ആരാധകർ സ്വീകരിക്കുന്നത്. ഇപ്പോഴിതാ ഈ ഭാഗ്യജോഡികൾ വീണ്ടും ഒന്നിക്കുന്നുവെന്ന വാർത്തകളാണ് പുറത്തുവരുന്നത്. നയൻ താരയും മമ്മൂട്ടിയും നായികാ നായകൻമാരായി 2005ൽ എത്തിയ ചിത്രമാണ് തസ്കരവീരൻ. മലയാളത്തിന്റെ പ്രിയ നായികയായിരുന്നു ഷീലയും ചിത്രത്തിൽ പ്രധാന കഥാപാത്രമായെത്തിയിരുന്നു. തസ്കരവീരന് രണ്ടാം ഭാഗമൊരുക്കുന്നുവെന്നാണ് സംവിധായകൻ പ്രമോദ് പപ്പൻ അറിയിക്കുന്നത്.
ചിത്രത്തിൽ മമ്മൂക്കയും നയൻസും വീണ്ടുമെത്തുമെന്ന് സംവിദായകൻ പറയുന്നു. രണ്ടാം ഭാഗത്തിനുള്ള തയ്യാറെടുപ്പുകൾ തുടങ്ങിക്കഴിഞ്ഞുവെന്നും. കൂടുതൽ വിവരങ്ങൾ പിറകേ അറിയിക്കുമെന്നും പ്രമോദ് പപ്പൻ പറയുന്നു.