മലയാളികളുടെ പ്രിയ നായികയായ മഞ്ജു വാര്യരും,ആക്ഷൻ റാണിയായിരുന്ന വാണി വിശ്വനാഥും തകർത്തഭിനയിച്ച ചിത്രമാണ് കളിവീട്. സിബിമലയിലിന്റെ സംവിധാനത്തിൽ 1996 ലാണ് കളിവീട് പുറത്തിറങ്ങുന്നത്.മഞ്ജു ആദ്യമായി ഭാര്യവേഷത്തിലഭിനയിച്ച ചിത്രമായിരുന്നു അത്. വാണിയും പ്രധാന കഥാപാത്രമായെത്തി. ജയറാമായിരുന്നു നായകൻ.
പതിനെട്ടാം വയസിലാണ് മഞ്ജു ജയറാമിന്റെ ഭാര്യവേഷം അഭിനയിച്ചു തകർത്തത്. എന്നാൽ കളിവീടിലെ നായികാ കഥാപാത്രം താൻ ചോദിച്ചുവാങ്ങിയതാണെന്ന് വെളിപ്പെടുത്തിയിരിക്കുകയാണ് മഞ്ജു. ചിത്രത്തിൽ വാണി ചെയ്ത യാമിനി മേനോൻ എന്ന കഥാപാത്രമാണ് മഞ്ജുവിന് തീരുമാനിച്ചിരുന്നത്. എന്നാൽ കഥകേട്ട് ഇഷ്ടമായതോടെ സംവിധായകനോട് നായിക വേഷം ചോദിച്ചുവാങ്ങുകയായിരുന്നവെന്ന് മഞ്ജു പറഞ്ഞു.
പകരം കിട്ടിയ യാമിനി എന്ന കഥാപാത്രത്തെ വാണിയും മികച്ചതാക്കിയിരുന്നു. ജഗദീഷ്, കൽപ്പന, ഇന്നസെന്റ് തുടങ്ങി വൻ താരനിരതന്നെ അഭിനയിച്ച ചിത്രം അന്ന് വലിയ വിജയം നേടിയിരുന്നു.