ഏകദേശം 25 വർഷങ്ങൾ വ്യത്യാസമുള്ള രണ്ടു ചിത്രങ്ങളാണ് പ്രീസ്റ്റിനായി കാത്തിരിക്കുന്ന ഏതൊരു ആരാധകനേയും ഞെട്ടിപ്പിക്കുക. കാര്യം മഞ്ജു വാര്യരും മമ്മൂട്ടിയും ഒരുമിച്ചു നിക്കുന്ന ആ ഫോട്ടോയിലെ വ്യത്യാസം തന്നെ.
നവാഗതനായ ജോഫിൻ റ്റി ചാക്കോ ഒരുക്കുന്ന പ്രീസ്റ്റിൽ ആണ് ഇരുവരും ഇപ്പോൾ ആദ്യമായി ഒരു സിനിമയ്ക്ക് വേണ്ടി ഒന്നിക്കുന്നത്. വളരെ വലിയ പ്രതീക്ഷകളോടെയാണ് പ്രേക്ഷകർ അതിനെ കാത്തിരിക്കുന്നതും. 25 വർഷങ്ങൾക്ക് മുന്നേ മമ്മൂട്ടിയുടെ കൂടെ നിന്നു ഫോട്ടോ എടുത്ത ആ കുട്ടി ഇപ്പോൾ അദ്ദേഹത്തിന്റെ നായികയാണ്. ഏകദേശം 25 വർഷം മുന്നെ കണ്ണൂർ സാധു കല്യാണ മണ്ഡപത്തിലാണ് മഞ്ജു മമ്മൂട്ടിയെ നേരിൽ കാണുന്നത്‌. അന്ന് അവിടെ മഞ്ജു നൃത്തം അവതരിപ്പിച്ചിരുന്നു. ചടങ്ങിൽ മുഖ്യാതിഥിയായി എത്തിയ മമ്മൂട്ടി ആ വർഷത്തെ സംസ്ഥാന സ്കൂൾ കലാതിലകമായ മഞ്ജുവിനെ അഭിനന്ദിക്കുകയും ഒപ്പം നിന്ന് ഫോട്ടോ എടുക്കുകയും ചെയ്തു. എന്തായാലും ഈ കൗതുകമുണർത്തുന്ന ഫോട്ടോ ഇപ്പോൾ വൈറൽ ആയിക്കൊണ്ടിരിക്കുകയാണ്.
