കുമ്പളങ്ങി നൈറ്റ്സ്‌ എന്ന ചിത്രത്തിലൂടെ പ്രേക്ഷക മനസ്സിൽ ഇടം നേടിയ താരമാണ് മാത്യൂ തോമസ്‌. ഫ്രാങ്കി എന്ന കുമ്പളങ്ങിയിലെ കഥാപാത്രം അവതരിപ്പിച്ച മാത്യൂവിനെ പ്രേക്ഷകരാരും മറക്കില്ല. അഭിനയിച്ച ആദ്യ ചിത്രം ബ്ലോക്‌ബസ്റ്റർ ഹിറ്റായ മാത്യൂ പിന്നീട്‌ എത്തുന്നത്‌ ഒരു സിനിമയിലെ കേന്ദ്ര കഥാപാത്രമായിട്ടാണ്. സ്കൂൾ കാല പ്രണയവും നൊസ്റ്റാൾജിയയും പറഞ്ഞ്‌ മലയാളി പ്രേക്ഷകർ നെഞ്ചോട്‌ ചേർത്ത തണ്ണീർ മത്തൻ ദിനങ്ങൾ ആണ് മാത്യൂ തോമസിന്റെ രണ്ടാം ചിത്രം. ബോക്സ്‌ ഓഫീസിൽ വമ്പൻ വിജയം നേടിയ ചിത്രം 2019ൽ ഏറ്റവും കൂടുതൽ ബുക്‌ മൈ ഷോ വോട്ടുകൾ നേടിയ മലയാള ചിത്രങ്ങളുടെ കൂട്ടത്തിൽ മുൻപന്തിയിൽ എത്തിയിരുന്നു.
ഇപ്പോഴിതാ പയ്യൻ അഭിനയിച്ച 3ആം ചിത്രവും ബ്ലോക്‌ബസ്റ്റർ ഹിറ്റിലേക്ക്‌ കുതിക്കുകയാണ്. മിഥുൻ മാനുവൽ – ചാക്കോച്ചൻ ടീമിൽ പിറന്ന ത്രില്ലർ ചിത്രം അഞ്ചാം പാതിരാ ആണ് മാത്യൂ തോമസ്‌ അഭിനയിച്ച മൂന്നം ചിത്രം. ഒരിടവേളക്ക്‌ ശേഷം മലയാളത്തിൽ വന്ന ത്രില്ലർ ചിത്രമാണ് അഞ്ചാം പാതിരാ. ഗംഭീര അഭിപ്രായം നേടിക്കൊണ്ടിരിക്കുന്ന ചിത്രം കേരളത്തിലുടനീളം ഒട്ടനവധി എക്സ്ട്രാ ഷോകളും അധികാലത്തെയുള്ള ഷോകളും നടക്കുകയുണ്ടായി. ബ്ലോക്‌ബസ്റ്ററിൽ കുറഞ്ഞതൊന്നും പ്രതീക്ഷിക്കണ്ട എന്ന് സാരം. തമാശ രൂപേണ ഇപ്പോൾ പ്രേക്ഷകർ ചോദിക്കുന്നത്‌ മാത്യൂവിനോടാണ്, നീ ബ്ലോക്‌ബസ്റ്റർ ആകുന്ന സിനിമയിൽ മാത്രമേ അഭിനയിക്കൂ ?!