തെന്നിന്ത്യൻ പ്രേക്ഷകരുടെ പ്രിയപ്പെട്ട താരമാണ് മേഘ്ന രാജ്. മേഘ്നയുടെ ഭർത്താവും നടനുമായ ചിരഞ്ജീവി സർജയും സർജയുടെ വിയോഗം തീർത്ത വേദനയിൽ നിന്ന് മുക്തി നേടാൻ ഇന്നും പ്രേക്ഷകർക്ക് കഴിഞ്ഞിട്ടില്ല. 2020 ജൂൺ 7 ന് ആയിരുന്നു ചിരഞ്ജീവി സർജ വിട പറഞ്ഞത്. ചീരുവിന്റെ വിയോഗം സൃഷ്ടിച്ച ശൂന്യതയിൽ നിന്ന് ജീവിതത്തിലേയ്ക്ക് മടങ്ങി വരുകയാണ് മേഘ്ന. മകൻ ജനിച്ചതിന് ശേഷം തന്റെ ജോലിയിലേയ്ക്ക് തിരികെ എത്തിയിരിക്കുകയാണ് താരം.
സോഷ്യൽ മീഡിയയിൽ സജീവമായ മേഘ്ന അധികവും മകന്റെ വിശേഷങ്ങളാണ് പങ്കുവെയ്ക്കാറുള്ളത്. മകന്റെ പുതിയ വിശേഷം പങ്കുവെയ്ക്കുകയാണ് നടി. കുഞ്ഞിന്റെ ഒന്നാം പിറന്നാൾ അടുക്കുമ്പോഴാണ് നടി പേര് വെളിപ്പെടുത്തിയിരിക്കുന്നത്. റയാൻ രാജ് സർജ എന്നാണ് പേര്. ചിരഞ്ജീവി സർജയോടുള്ള സ്നേഹം കാരണം ജൂനിയർ ചീരു എന്നാണ് ആരാധകർ കുഞ്ഞിനെ വിളിച്ചിരുന്നത്.
ഇൻസ്റ്റഗ്രാമിൽ ഒരു വീഡിയോ പങ്കുവെച്ച് കൊണ്ടാണ് മേഘ്ന കുഞ്ഞിന്റെ പേര് പങ്കുവെച്ചിരിക്കുന്നത്. ജീവിതത്തിലെ മനോഹരമായ നിമിഷങ്ങൾ കോർത്തിണക്കി കൊണ്ട് തയ്യാറാക്കിയ വീഡിയോയിലാണ് മകന്റെ പേര് വെളിപ്പെടുത്തിയിരിക്കുന്നത്.