20 മില്യൺ കാഴ്ചക്കാരാണ് മിഖായേലിന്റെ ഹിന്ദി പതിപ്പിന്റെ ഇപ്പോഴത്തെ കാഴ്ചക്കാർ. 6 മാസം മുന്നേ ആണ് WAMindiamovies എന്ന മീഡിയയുടെ യൂട്യൂബ് ചാനൽ വഴി പുറത്തിറക്കിയ സിനിമയ്ക്ക് 20 മില്യൺ വ്യൂ എന്ന നേട്ടം കൈവരിക്കാൻ സാധിച്ചത്. ഇത്രയും വേഗത്തിൽ 20 മില്യൺ കാഴ്ചക്കാർ ഒരു മലയാള സിനിമയുടെ ഹിന്ദി പതിപ്പിന് ലഭിക്കുന്നതും ഇതാദ്യമാണ്. ആക്ഷനും സസ്പെൻസും ഒപ്പം ഫാമിലി ഇമോഷൻസും ഒരു പോലെ ചേർന്നത് കൊണ്ട് തന്നെയാണ് നോർത്തിലെ പ്രേക്ഷകർക്ക് ചിത്രം ഇഷ്ടപ്പെട്ടത് എന്നു വേണം കരുതാൻ. ചിത്രത്തിന്റെ താഴെ വരുന്ന അഭിപ്രായങ്ങളും അത് തന്നെയാണ് തെളിയിക്കുന്നത്.
നിവിൻ പോളി നായകൻ ആയ ചിത്രം മലയാളത്തിൽ ശരാശരി അഭിപ്രയത്തിൽ ഒതുങ്ങിയപ്പോഴും ചിത്രത്തിലെ കഥാപാത്രങ്ങൾക്ക് വലിയ ആരാധകർ ഉണ്ടായിരുന്നു. ഉണ്ണി മുകുന്ദൻ അവതരിപ്പിച്ച വില്ലൻ കഥാപാത്രം ഇപ്പോഴും സ്റ്റൈൽ ഐക്കൺ ആയി യുവാക്കൾക്കിടയിൽ നിലനിൽക്കുന്നു എന്നതും ശ്രദ്ധേയം.