തിരക്കുകളിലൂടെ സഞ്ചരിക്കുമ്പോൾ വ്യക്തി ജീവിതത്തിലെ സന്തോഷങ്ങൾ പലതും നഷ്ടപ്പെടുന്നതായി ചലചിത്ര താരങ്ങൾ തുറന്നു പറയാറുണ്ട്. അത്തരമൊരു അനുഭവമാണ് മലയാളത്തിന്റെ പ്രിയതാരം സൂപ്പർസ്റ്റാർ മോഹൻലാൽ വെളിപ്പെടുത്തിയിരിക്കുന്നത്.
ഒരിക്കൽ ദുബായിയില്‍ ഒരു ഷൂട്ടിനായി പോകുന്ന സമയത്ത് യാത്ര അയയ്ക്കാന്‍ ഭാര്യ സുചിത്രയും കൂടെ വന്നിരുന്നു. യാത്രയാക്കി പിരിഞ്ഞ ശേഷം ലോബിയില്‍ ഇരിക്കുന്പോള്‍ സുചിത്ര വിളിച്ചിട്ടു പറഞ്ഞു കൈയിലുള്ള ബാഗില്‍ ഒരു കാര്യമുണ്ട് അതൊന്നു നോക്ക് എന്ന്. താരം ബാഗ് തുറന്നു നോക്കുന്പോള്‍ അതൊരു സമ്മാനമായിരുന്നു, ഒരു മോതിരം.അതിന്‍റെ കൂടെ ഒരു ചെറിയ കുറിപ്പ് കൂടിയുണ്ടായിരുന്നു. ഇന്ന് നമ്മുടെ വിവാഹവാര്‍ഷികമാണ്. ഇതെങ്കിലും മറക്കാതിരിക്കൂ എന്ന്. സുചിത്രയുടെ വാക്കുകള്‍ അന്ന് തന്നെ വല്ലാതെ സങ്കടപ്പെടുത്തി. -മോഹന്‍ലാല്‍ പറയുന്നു.
