മലയാളികൾ ഒരിക്കലും മറക്കാത്ത കൂട്ടുകെട്ടാണ് മോഹൻലാലും ശ്രീനിവാസനും. നിരവധി ചിത്രങ്ങളിൽ ഇവർ ഒന്നിച്ചെത്തിയിരുന്നു. ചില ചിത്രങ്ങളിൽ ലാലിന്റെ വില്ലനായാണ് ശ്രീനിയെത്തിയത്. മുകുന്ദേട്ടാ സുമിത്ര വിളിക്കുന്നു എന്ന സിനിമയില്‍ നെഗറ്റീവ് വേഷം ചെയ്യാന്‍ മോഹന്‍ലാലിന് മടി തോന്നി. അങ്ങനെയാണ് ശ്രീനിവാസനിലേക്ക് ആ കഥാപാത്രം എത്തിയത്.
പിന്നീട് ഉദയനാണ് താരത്തിലെ സരോജ് കുമാറും ശ്രീനി ഏറ്റെടുത്തതായിരുന്നു. മോഹന്‍ലാലും ശ്രീനിവാസനും സ്വരച്ചേര്‍ച്ചയിലല്ലെന്നുള്ള തരത്തിലുള്ള റിപ്പോര്‍ട്ടുകളായിരുന്നു ഇടക്കാലത്ത് പ്രചരിച്ചിരുന്നത്. പത്മശ്രീ സരോജ്കുമാര്‍ എന്ന ചിത്രത്തിലെ പരാമര്‍ശമായിരുന്നു അന്ന് മോഹൻലാൽ ആരാധകരെ ചൊടിപ്പിച്ചത്.
എന്നാൽ ഇതിൽ വലിയ പ്രസ്നമില്ലെന്ന തരത്തിലായിരുന്നു മോഹൻലാലിന്റെ പ്രതികരണം. നേരിൽ കാണുമ്പോൾ ശ്രീനിവാസൻ അതിൽ കൂടുതൽ തന്നെ പരിഹസിക്കാറുണ്ടെന്നാണ് മോഹൻലാൽ പറയുന്നത്.