കഴിഞ്ഞ ദിവസം നടന്ന കാപ്പാൻ എന്ന ചിത്രത്തിന്റെ ഓഡിയോ ലോഞ്ചിൽ ആണ് മലയാളത്തിന്റെ മഹാനടൻ ഒരിക്കൽ കൂടി അഭിനന്ദനത്തിന്റെ പെരുമയിൽ എത്തിയത്. കെവി ആനന്ദ് സംവിധാനം ചെയ്യുന്ന സൂര്യ ചിത്രത്തിൽ മിനിസ്റ്റർ വേഷമാണ് മോഹൻലാൽ ചെയ്യുന്നത്. ജില്ലാ എന്ന വിജയ് ചിത്രത്തിന് ശേഷമാണ് മറ്റൊരു തമിഴ് ചിത്രം മോഹൻലാൽ ചെയ്യുന്നത്. ഓഡിയോ ലോഞ്ച് വേദിയിൽ കാർത്തിയും തലൈവർ രജിനി, ശങ്കർ തുടങ്ങിയ നിരവധി പ്രമുഖർ ഉണ്ടായിരുന്നു.
ഇന്ത്യ കണ്ടതിൽ വെച്ച് ഏറ്റവും മികച്ച നാചുറൽ നടൻ ആണ് മോഹൻലാൽ. അദ്ദേഹം ഈ സിനിമയുടെ ഭാഗമായത് ഈ സിനിമക്ക് കിട്ടിയ ഏറ്റവും വലിയ ഗിഫ്റ്റ് ആണ് എന്നാണ് സാക്ഷാൽ രജിനികാന്ത് അഭിപ്രായപ്പെട്ടത്. അതേ സമയം എന്റെ എക്കാലത്തെയും ഇഷ്ട നടൻ ആയ മോഹൻലാൽ സാറിനൊപ്പം ഒരു സിനിമയിൽ അഭിനയിക്കാൻ അവസരം കിട്ടിയതിൽ എന്റെ സഹോദരനെ ഓർത്ത് എനിക്ക് അഭിമാനമുണ്ടെന്നാണ് കാർത്തി പറഞ്ഞത്.