ബി ഉണ്ണികൃഷ്ണൻ സംവിധാനം ചെയ്ത് മോഹൻലാൽ പ്രധാനവേഷത്തിലെത്തുന്ന ‘ആറാട്ട്’ എന്ന സിനിമയുടെ ടീസർ ഇന്നാണ് റിലീസ് ചെയ്തത്. വിഷു ദിനത്തിൽ ആരാധകർക്ക് നൽകിയ ഈ വിഷുകൈനീട്ടം ഏറെ ആകാംക്ഷയോടെയാണ് പ്രേക്ഷകർ വരവേറ്റത്. ടീസർ റിലീസ് ചെയ്ത് 4 മണിക്കൂറുകൾ പിന്നിടുമ്പോൾ സകല റെക്കോർഡുകളും തകർത്ത് മുന്നേറുകയാണ് ആറാട്ട് ടീസർ. 1 മില്യൺ കാഴ്ചക്കാർ ആണ് ഇതുവരെ ടീസർ കണ്ടത്. മലയാളത്തിൽ ഏറ്റവും വേഗത്തിൽ ഈ നേട്ടം കൈവരിക്കുന്ന ടീസറുകളിൽ ഒന്നാണ് ആറാട്ട്. 77000ൽ പരം യുട്യൂബ് കമന്റുകളാണ് ടീസറിന് ഇതുവരെ ലഭിച്ചിട്ടുള്ളത്. ഏറ്റവും അധികം കമന്റുകൾ ലഭിക്കുന്ന മലയാള ടീസർ എന്ന റെക്കോർഡും ഇതോടെ ആറാട്ടിന് സ്വന്തം.