രണ്ടാമൂഴം ഉടൻ സിനിമയാക്കുമെന്നറിയിച്ച് എംടി വാസുദേവൻ നായർ. തിരക്കഥ ആവശ്യപ്പെട്ട് പല സമവിധായകരും സമീപിച്ചിട്ടുണ്ട്. ചിതച്രം വൈകിപ്പോയതിൽ ദുഃഖമുണ്ട്. എന്നാൽ കോടതിവിധ് അനുകൂലമായതിൽ സന്തോഷമുണ്ടെന്നും അദ്ദേഹം അറിയിച്ചു. രണ്ടാമൂഴം സിനിമയാക്കുന്നത് സംബന്ധിച്ച്‌ എം ടിയും സംവിധായകന്‍ വി എ ശ്രീകുമാറും തമ്മിലുളള തര്‍ക്കത്തില്‍ കോടതിക്ക് പുറത്ത് നടന്ന ഒത്തുതീര്‍പ്പ് വ്യവസ്ഥകള്‍ സുപ്രീംകോടതി അംഗീകരിച്ചിരുന്നു.ഇതുപ്രകാരം തിരക്കഥ എം ടിക്ക് തിരിച്ചു നല്‍കും. തിരക്കഥയില്‍ പൂര്‍ണ അവകാശം എം ടിക്കായിരിക്കും. അഡ്വാന്‍സ് ആയി വാങ്ങിയ തുക എംടി തിരികെ നൽകും.
കരാര്‍ പ്രകാരമുളള കാലാവധി കഴിഞ്ഞിട്ടും സിനിമയുടെചിത്രീകരണം തുടങ്ങാത്ത പശ്ചാത്തലത്തിലാണ് എം ടി നിയമനടപടി സ്വീകരിച്ചത്. കേസ് പിന്നീട് സുപ്രീം കോടതിവരെ എത്തുകയായിരുന്നു.