ഒറ്റ ചിത്രം കൊണ്ടു തന്നെ മലയാളികൾക്ക് പ്രിയങ്കരിയായ താരമാണ് അനുപമ പരമേശ്വരൻ. എന്നാൽ തമിഴിലും തെലുങ്കിലുമാണ് താരം ഇപ്പോൾ തിളങ്ങി നിൽക്കുന്നത്. പ്രശസ്തിക്കൊപ്പം ഗോസിപ്പുകളും ഒട്ടും കുറവല്ല അനുപമയ്ക്ക്. ഇപ്പോഴിതാ തന്റെ കല്യാണവും പ്രണയവുമായി പ്രചരിക്കുന്ന ഗോസിപ്പുകളെ തള്ളിപ്പറഞ്ഞിരിക്കുകയാണ് താരം. ക്രിക്കറ്റ്താരം ജസ്പ്രീത് ബുമ്രയുടെ പേരിനൊപ്പം ചേർത്ത് അനുപമയുടെ പേരു ചേർത്ത് ഗോസിപ്പുകൾ ഇറങ്ങിയിരുന്നു. ഇരുവരും പ്രണയത്തിലാണെന്നും വിവാഹം ഉടൻ ഉണ്ടാകുമെന്നും കഥകൾ പ്രചരിച്ചു. എന്നാൽ ആ വാർത്തകളെ തള്ളിയിരിക്കുകയാണ് താരം. ബുമ്രയും ഞാനും സംസാരിക്കാറുണ്ടെന്നല്ലാതെ വേറെ പ്രത്യേകിച്ചൊന്നുമില്ല. പലരും എന്നോട് അതേപ്പറ്റി ചോദിച്ചിട്ടുണ്ട്. അതിലൊരു വിശദീകരണത്തിന്റെ ആവശ്യം തന്നെയില്ല. ഞങ്ങള്ക്ക് തമ്മില് അറിയാം. സുഹൃത്തുക്കളാണ്. അതിനപ്പുറമൊന്നുമില്ല.അനുപമ പറയുന്നു.
ഒരാള് നമ്മളെ ട്വിറ്ററില് ഫോളോ ചെയ്യുകയോ നമ്മള് തിരിച്ച് ഫോളോ ചെയ്യുകയോ ചെയ്താലുടന് അടിസ്ഥാനമില്ലാത്ത കഥകള് സൃഷ്ടിക്കും. പൊടിപ്പും തൊങ്ങലും ചേര്ത്ത് ഗോസിപ്പുകള് പ്രചരിപ്പിക്കും. തെന്നിന്ത്യയിലെ യുവസംവിധായകനുമായി വിവാഹമുറപ്പിച്ചെന്നും വാർത്തകൾ പരന്നിരുന്നു. എന്നാൽ ഇതുവരെ തന്റെ കല്യാണം തീരുമാനിച്ചില്ലെന്നും താരം വെളിപ്പെടുത്തി.