തെന്നിന്ത്യയിലെ ക്യൂട്ട് നായികമാരിൽ ഒരാളാണ് നസ്രിയ നസിം. മലയാളത്തിൽ മാത്രമല്ല തമിഴിലും താരത്തിന് ആരാധകരേറെയാണ്. യുവതാരം ഫഹദ് ഫാസിലുമായുള്ള വിവാഹശേഷം സിനിമയിൽ സജീവമല്ലെങ്കിലും താരം സോഷ്യൽ മീഡിയയിൽ സജീവമാണ്. തന്റെ കൊച്ചു കൊച്ചു സന്തോഷങ്ങളും രസകരമായ വീഡിയോയും ചിത്രങ്ങളുമായി താരം ആരാധകരുടെ മുന്നില് എത്താറുണ്ട്. നസ്രിയയുടെ ഇന്സ്റ്റഗ്രാം പോസ്റ്റുകളും മറ്റും ആരാധകരുടെ ഇടയില് വൈറലാണ്. ഫഹദിന്റെ വിശേഷങ്ങൾ പോലും ആരാധകർ അറിയുന്നത് നസ്രിയ വഴിയാണ്.
ഇപ്പോഴിതാ നസ്രിയ കുറേ ഭാവപ്രകടനങ്ങളാണ് വൈറലായിരിക്കുന്നത്. ട്വിറ്ററിലൂടെയാണ് ഈ ചിത്രം പങ്കുവെച്ചിരിക്കുന്നത്. ചിരിയും, കരച്ചിലും, പിണക്കവുമൊക്കെയായി പല ഭാവങ്ങളിലുള്ള ചിത്രങ്ങൾ. ഏതൊക്കെ ഭാവമെന്ന് കൃത്യമായി പറയാൻ നസ്രിയക്കേ കഴിയൂ. ഏതായാലും താരത്തിന്റെ വെറ്റൈറ്റി ഭാവങ്ങള് സമൂഹമാധ്യമങ്ങളില് വൈറലായിട്ടുണ്ട്. ആരാധകർ ചിത്രങ്ങൾ ഏറ്റെടുത്തുകഴിഞ്ഞു.