തെലുങ്കിലെ സ്റ്റൈലിസ്റ്റ് സ്റ്റാറാണ് അല്ലു അർജുൻ. കേരളത്തിലും താരത്തിന് ആരാധകർ ഏറെയാണ്. സിനിമപോലെതന്നെ അല്ലുവിന് വാഹനങ്ങളോടും ഏറെ പ്രിയമാണ്. തിരക്കിനിടയിലും പുതിയ വാഹനങ്ങൾ സ്വന്തമാക്കാൻ മാത്രമല്ല അവയ്ക്ക് മോഡിഫിക്കേഷൻ വരുത്താനും താരം സമയം കണ്ടെത്തുകയാണ്.
ഇപ്പോഴിതാ തന്റെ റേഞ്ച് റോവറാണ് താരം പിതിയ ലുക്കിൽ ഇറക്കിയിരിക്കുന്നത്. ഒരു വർഷം മുൻപാണ് അല്ലു അര്ജുന് ഒരു റേഞ്ച് റോവര് സ്വന്തമാക്കിയത്. ‘ദി ബീസ്റ്റ്’ എന്നാണ് അതിനു നല്കിയ പേര്. 2.3 കോടി എക്സ്-ഷോറൂം വിലയുള്ള റേഞ്ച് റോവറിനാണ് ഇപ്പോൾ പുത്തൻ ലുക്ക് നൽകിയിരിക്കുന്നത്.
ബീസ്റ്റിന്റെ മെയ്ക്ഓവറിന് പിന്നില് ട്യൂണിങ് രംഗത്തെ പ്രശസ്തരായ റേസ്ടെക് ആണ്. ലോകപ്രശസ്ത പ്രീമിയം അലോയ് വീല് നിര്മ്മാതാക്കളായ വോസ്സന്റെ കറുപ്പ് നിറത്തിലുള്ള, ധാരാളം സ്പോക്കുകളുള്ള അലോയ് വീല് ആണ് അല്ലുവിന്റെ റേഞ്ച് റോവറില് ഘടിപ്പിച്ചിരിക്കുന്നത് . വീല് കാപ്പില് അല്ലു അര്ജുന്റെ പേരിന്റെ ആദ്യാക്ഷരങ്ങള് ആയ ‘AA’ ചേര്ത്ത ലോഗോയും പ്രത്യേകം പതിപ്പിച്ചിട്ടുണ്ട്.