ജൂനുസ്‌ മൊഹമ്മദ്‌ സംവിധാനം ചെയ്ത്‌ പൃഥ്വിരാജ്‌ കേന്ദ്ര കഥാപാത്രമാകുന്ന ‘9’ സിനിമയുടെ ട്രെയ്‌ലർ നാളെ വരാനിരിക്കെ ചിത്രത്തിന്റെ ഇന്ന് പുറത്തുവന്ന പോസ്റ്ററുകൾ ആരാധകർക്കിടയിലും സോഷ്യൽ മീഡിയയിലും തരംഗമാകുന്നു. സയൻസ്‌ ഫിക്ഷൻ എന്ന മലയാളിക്ക്‌ അത്ര സുപരിചിതമല്ലാത്ത ജോണറാണ് ചിത്രത്തിന്റെത്‌. പൃഥ്വിയെ കൂടാതെ വാമിഖയും മംതയും ചിത്രത്തിൽ പ്രധാന കഥാപാത്രങ്ങളായി എത്തുന്നു.
നാളെ 11 മണിക്ക് ഓൺലൈനിൽ റിലീസ്‌ ചെയ്യുന്ന ട്രെയ്‌ലർ രാത്രി കൃത്യം 9 മണിക്ക് മലയാളത്തിലെ 15 പ്രമുഖ ചാനലിൽ സംപ്രേഷണം ചെയ്തുകൊണ്ട്‌ തരംഗം തീർക്കാൻ കൂടി ഒരുങ്ങുകയാണ് ‘9’. ഇത്തരത്തിൽ ആദ്യമായാണ് ഒരു മലയാള സിനിമ ചാനലുകളിൽ ട്രെയ്‌ലർ ടെലികാസ്റ്റ്‌ ചെയ്യുന്നത്‌. ഫെബ്രുവരി 7ന് ആണ് ചിത്രം റിലീസ്‌ ചെയ്യുന്നത്‌.
