ചലച്ചിത്ര താരങ്ങളുടെ ഓണാഘോഷങ്ങളും വിശേഷങ്ങളുമെല്ലാം എന്നും ചർച്ചയാകാറുണ്ട്. ചില താരങ്ങളാകട്ടെ സ്വന്തം ആഘോഷങ്ങൾ സന്ദേശമാക്കാന്ഡ ശ്രമിക്കാറുമുണ്ട്. അത്തരത്തിലൊരു ഓണാഘോഷമാണ് നടി നിഖില വിമലിന്റേത്. പൂക്കളത്തിനരികിലിരിക്കുന്ന നിഖിലയുടെ ചിത്രമാണ് ആരാധകർ ഏറ്റെടുത്തത്. വെറുമൊരു പൂക്കളമല്ല, നേഴ്സുമാര്ക്ക് ആദരമര്പ്പിച്ചുകൊണ്ടുളള പൂക്കളമാണ് ഇത്തവണത്തെ ഓണത്തിന് നിഖില ഒരുക്കിയിരിക്കുന്നത്. കോവിഡ് കാലത്ത് രാപ്പകലിലാതെ കഷ്ടപ്പെടുന്ന ആരോഗ്യപ്രവര്ത്തകരെ ഈ സമയം ഓര്ക്കുകയാണ് താരം.
സ്വാര്ത്ഥമായ സേവനവും പരിചരണവും നല്കി എണ്ണമറ്റ കോവിഡ് രോഗികളെ ചികിത്സിച്ച് ഭേദമാക്കി ഓണക്കാലത്ത് അവരുടെ വീടുകളിലേക്ക് മടങ്ങാന് പ്രാപ്തരാക്കിയ നേഴ്സുമാരെ നന്ദിയോടെ ഓര്ക്കുന്നുവെന്നാണ് നിഖില വിമല് ചിത്രങ്ങള് പങ്കുവെച്ചതിനൊപ്പം കുറിച്ചിരിക്കുന്നത്. കല്യാണി പ്രിയദര്ശനും നേരത്തെ നേഴ്സുമാര്ക്ക് ആദരമര്പ്പിച്ച് പൂക്കളത്തിന് മുന്നിലിരിക്കുന്ന ചിത്രം പങ്കുവെച്ചിരുന്നു.
സത്യന് അന്തിക്കാട് സംവിധാനം ചെയ്ത ഭാഗ്യദേവതയിലൂടെ ബാലതാരമായി സിനിമയിലെത്തിയ നിഖില, ദിലീപ് നായകനായ 24×7 എന്ന ചിത്രത്തിലൂടെയാണ് ശ്രദ്ധേയായത്. പിന്നീട് തമിഴിലും തെലുങ്കിലുമെല്ലാം ശ്രദ്ധേയമായ വേഷങ്ങൾ. ഒരിടവേളയ്ക്ക് ശേഷം വിനീത് ശ്രീനിവാസന് നായകനായ അരവിന്ദന്റെ അതിഥികള് എന്ന ചിത്രത്തിലൂടെ മലയാളത്തിലേക്ക് തിരിച്ചെത്തി. ഒരു യമണ്ടന് പ്രേമകഥയിൽ ദുൽഖർ സൽമാന്റെ നായികയായും നിഖില എത്തിയിരുന്നു.