തെന്നിന്ത്യൻ സിനിമയിലെ പ്രശസ്ത നടി മെരിലാന്റ് ശാന്തി അന്തരിച്ചു. പഴയകാലത്തെ നായികനടിയായിരുന്ന ശാന്തി പ്രശസ്ത നർത്തകികൂടിയായിരുന്നു. മലയാളം, തമിഴ്, ഹിന്ദി, തെലുങ്ക് ഭാഷകളിലായി നൂറിലേറെ സിനിമകളിൽ ശ്രദ്ധേയമായ വേഷം അവതരിപ്പിച്ചിട്ടുണ്ട്.
കോട്ടയം ഏറ്റുമാനൂരിൽ ജനിച്ച കെ വി ശാന്തി പിന്നീട് മെരിലാന്റ് ശാന്തി എന്ന പേരിലറിയപ്പെടുകയായിരുന്നു. നൃത്തത്തിലൂടെയാണ് ശാന്തി സിനിമയിലെത്തുന്നത്. ലോകരാഷ്ട്രങ്ങളിലുൾപ്പെടെ നിരവധി നൃത്തപരിപാടികൾ അവതരിപ്പിച്ചിട്ടുണ്ട്.