ലോകം മുഴുവൻ വലിയൊരു പോരാട്ടത്തെ അതിജീവിക്കുമ്പോൾ അതിനു താങ്ങാവുന്ന ഓരോരുത്തരുടെയും പ്രാധാന്യം എന്ത് മാത്രം ഉണ്ടെന്നു പറഞ്ഞു തരികയാണ് ‘ഒന്നായ്’ എന്ന ഗാനം. മെജോ ജോസഫിന്റെ ഈണത്തിൽ പ്രാർത്ഥന ഇന്ദ്രജിത്ത് ആലപിച്ച ഗാനം ഹൃദയത്തിൽ കൊള്ളുന്നതാണ്. ചെറു വേദന നൽകുന്ന വിഡിയോ കൂടി ആയപ്പോൾ പാട്ടിന്റെ ഭംഗിയും കൂടി. ഒരുമിച്ചു അതിജീവിക്കാം എന്നതാണ് പാട്ടിന്റെ പൂർണ ഉദ്ദേശം തന്നെ. ആ ചിന്ത ഉണർത്തുന്നതിൽ അവർ വിജയിക്കുകയും ചെയ്തു എന്ന് നിസ്സംശയം പറയാം.