മലയാളിത്തെ ബോൾഡ് ആന്റ് ബ്യൂട്ടിഫുൾ എന്ന വിശേഷണത്തിനുടമയാണ് നടി പാർവതി. അഭിയപ്രതിഭ കൊണ്ടും നിലപാടുകൾ കൊണ്ടും എന്നും ചർച്ചകളിൽ ഇടം പിടിച്ച നായിക. ഇപ്പോഴിതാ തന്റെ ആദ്യ ചിത്രത്തിലെ ഓർമ്മകൾ പങ്കുവയ്ക്കുകയാണ് താരം.
താന്‍ ആദ്യമായി ബിഗ് സ്‌ക്രീനിലെത്തിയ നാളുകളാണ് താരം സോഷ്യല്‍ മീഡിയയിലൂടെ ആരാധകരിലേക്കെത്തിക്കുന്നത്. ഔട്ട് ഓഫ് സിലബസ് എന്ന സിനിമയില്‍ ഗായത്രി കഥാപാത്രമായാണ് പാർവതി കടന്നുവരുന്നത്. ആദ്യകഥാപാത്രത്തിന്റെ ചിത്രങ്ങളോടൊപ്പമായിരുന്നു താരത്തിന്റെ കുറിപ്പ്.
അര്‍ജുന്‍ ശശി, നിരഞ്ജന, ഷാലിന്‍ സോയ, വേണു നാഗവള്ളി തുടങ്ങി നിരവധി പുതുമുഖ താരങ്ങളും ഔട്ട് ഓഫ് സിലബസില്‍ വേഷമിട്ടിരുന്നു. 2006 ൽ ഔട്ട് ഓഫ് സിലബസ് എന്ന മലയാള ചിത്രത്തലൂടെ അഭിനയ ജീവിതം തുടങ്ങിയ പാര്‍വതി. ശേഷം നോട്ട് ബുക്ക്‌, വിനോദയാത്ര, ഫ്ലാഷ്, സിറ്റി ഓഫ് ഗോഡ്, ബാംഗ്ലൂര്‍ ഡേയ്സ്, എന്നു നിന്‍റെ മൊയ്തീന്‍, ചാര്‍ലി, ടേക്ക് ഓഫ്, ഉയരെ, കൂടെ തുടങ്ങി നിരവധി ചിത്രങ്ങളില്‍ അഭിനയിച്ചു. ഹിന്ദി, തമിഴ്, കന്നഡ ചിത്രങ്ങളിലും അഭിനയിച്ചിട്ടുണ്ട്.