ഈ ലോക്കഡൗൺ കാലത്ത് വ്യായാമത്തിന് പ്രാധാന്യം നൽകുന്നതുമായി ബന്ധപ്പെട്ട് നിരവധി താരങ്ങൾ സോഷ്ൽ മീഡിയയിലെത്തിയിരുന്നു. വർക്കൗട്ട് ചിത്രങ്ങൾ പങ്കുവച്ചും, പരസ്പരം വെല്ലുവിളികളുയർത്തിയും, കളിയാക്കിയുമെല്ലാം സോഷ്യൽ മീഡിയയിൽ സജീവമായിരുന്നു താരങ്ങൾ. ഫിറ്റ്നെസ് തെളിയിക്കുന്ന മമ്മൂട്ടിയുടെ ചിത്രമാകട്ടെ വളരെപ്പെട്ടെന്ന് വൈറലാകുകയായിരുന്നു. പിറകേ പൃഥ്വിയും,ടൊവിനോയുമെത്തി. ഇപ്പോഴിതാ നടിമാരിലേക്കും ട്രെന്റ് എത്തിക്കഴിഞ്ഞിരിക്കുന്നു.
പ്രേക്ഷകരുടെ ഇഷ്ടനായിക, മലയാളത്തിലെ ബോൾഡ് ആന്റ് ബ്യൂട്ടിഫുൾ പാർവതിയാണ് തന്റെ വർക്കൗട്ട് ചിത്രങ്ങൾ പങ്കുവച്ചിരിക്കുന്നത്. കഠിനമായ വ്യായാമങ്ങൾ ചെയ്യുന്ന ചിത്രങ്ങളാണ് താരം ഇൻസ്റ്റാഗ്രാമിലൂടെ പുറത്തുവിട്ടിരിക്കുന്നത്. ഏതായാലും ആരാധകർ ചിത്രങ്ങൾ ഏറ്റെടുത്തുകഴിഞ്ഞു.
