മഹേഷിന്റെ ഓർമകൾക്ക് മുന്നിൽ റിലീസ് ചെയ്ത് കൊണ്ട് ‘പാപം ചെയ്യാത്തവർ കല്ലെറിയട്ടെ’ ഫസ്‌റ്റ്‌ ലുക്ക്‌

പ്രതിഭാശാലിയായ പോസ്റ്റർ ഡിസൈനർ എന്നു തന്നെ വിശേഷിപ്പിക്കാവുന്ന മഹേഷ് നമ്മളോട് വിട പറഞ്ഞത് ഈയടുത്ത ദിവസങ്ങളിലാണ്. ഓൾഡ് മങ്ക്സിന് വേണ്ടി പോസ്റ്ററുകൾ ഡിസൈൻ ചെയ്തിരുന്ന മഹേഷ് അവസാനമായി ഒരുക്കിയ ഡിസൈൻ ആയിരുന്നു ശംഭു പുരുഷോത്തമൻ സംവിധാനം ചെയ്യുന്ന ‘പാപം ചെയ്യാത്തവർ കല്ലെറിയട്ടെ’ എന്ന ചിത്രത്തിന്റെ ഫസ്റ്റ് ലുക്ക്. തന്റെ പ്രിയ ചിത്രകാരൻ ആയ പീറ്റർ ബ്രൂഗൽ ഒരുക്കിയ ദി ടവർ ഓഫ് ബാബേൽ എന്ന പെയ്ന്റിങ് ആണ് പോസ്റ്ററിന്റെ പശ്ചാത്തലം ആയി മഹേഷ് ഒരുക്കിയത്. നമ്മളോട് കൂടെയില്ലെങ്കിലും ഈ അതുല്യ കലാകാരന്റെ ഓർമകളിൽ ആണ് ഇന്ന് അണിയറക്കാർ ഈ പോസ്റ്റർ പുറത്തിറക്കിയത്.