ജനപ്രീതിയും ഹൗസ്ഫുൾ ഷോസുമായി മുന്നേറുകയാണ് പേരൻമ്പ്. ചിത്രത്തിന് ലഭിച്ചു കൊണ്ടിരിക്കുന്ന പ്രശംസകൾക്ക് പുറമെയാണ് ഇപ്പോൾ IMDB എന്ന ഇന്റർനാഷണൽ മൂവി ഡാറ്റാബേസിൽ ചിത്രത്തിന് ലഭിച്ചിരിക്കുന്ന റേറ്റിംഗ്. 10ൽ 9.8 ആണ് നിലവിലെ റേറ്റിംഗ്. ലോക ക്ലാസിക്കുകളെ മുന്നിൽ നിർത്തി നോക്കുമ്പോൾ പേരൻമ്പ് നിൽക്കുന്നത് ലോകോത്തര ചിത്രങ്ങളോട് കിട പിടിച്ചു കൊണ്ടാണ്. ലോക സിനിമയിലെ ക്ലാസിക് ചിത്രങ്ങൾ എന്ന് വിശേഷിപ്പിക്കുന്ന ഷോഷാങ്ക് റിഡംപ്ഷൻ (9.3/10), ദി ഗോഡ്ഫാദർ (9.2/10), ദി ഡാർക് നൈറ്റ് (9/10), ലോർഡ് ഓഫ് ദി റിംഗ്സ് (8.9/10) എന്നീ സിനിമകളേക്കാളും ഉയരത്തിൽ ആണ് നിലവിൽ പേരൻപ്. സിനിമ കണ്ട ലോകമെങ്ങുമുള്ള ആളുകൾ നൽകുന്ന റേറ്റിംഗിന്റെ അടിസ്ഥാനത്തിലാണ് IMDB ലെ സ്ഥാനങ്ങളുടെ മാനദണ്ഡം. നിലവിൽ 6722 പേരാണ് പേരൻപിന് ഐ.എം.ഡി.ബി യിൽ റേറ്റിംഗ് നൽകിയിട്ടുള്ളത്.
ഇന്ത്യൻ സിനിമ പ്രേമികൾക്കും ഒപ്പം നമ്മൾ മലയാളികൾക്കും തീർച്ചയായും അഭിമാനിക്കാവുന്ന മുഹൂർത്തം തന്നെയാണ് പേരൻപിന്റെ ഈ നേട്ടം.