മലയാളത്തിലെ മുൻനിര നായകന്മാരായ പൃഥ്വിരാജും ഉണ്ണി മുകുന്ദനും ആദ്യമായി ഒന്നിക്കുന്നു. പ്രശസ്ത ഛായാഗ്രാഹകൻ രവി കെ ചന്ദ്രൻ സംവിധാനം ചെയ്യുന്ന ചിത്രത്തിലാണ് ഇരുവരും ഒന്നിക്കുന്നത്. ഇതുവരെയും ഔദ്യോഗികമായി പ്രഖ്യാപനം നടന്നിട്ടില്ലാത്ത ഈ സിനിമ ഈ മാസം 27ന് പൂജയും ചിത്രീകരണവും ആരംഭിക്കുമെന്നാണ് റിപ്പോർട്ട്. മംത മോഹൻദാസ്, റാഷി ഖന്ന എന്നിവരാണ് സിനിമയിൽ നായിക കഥാപാത്രങ്ങളായി എത്തുന്നത്.