നമ്മുടെ നാട്ടിൽ പ്രമുഖ താരങ്ങൾക്കെല്ലാം തന്നെ ആരാധകസംഘടനകളുമുണ്ട്. ആഘോഷം നടത്തുകമാത്രമല്ല. സമൂഹത്തിൽ വിവിധ തരത്തിലുള്ള പ്രവർത്തനങ്ങളുമായി സജീവമാണ് ഈ ഫാൻസ് അസോസിയേഷനുകൾ. അക്കൂട്ടതിലാ മാതൃകാ പരമായ പ്രവർത്തനും കാഴ്ചവച്ചിരിക്കുകയാണ് ഓൾ കേരളാ പൃഥിരാജ് ഫാൻസ് വെൽഫെയർ അസോസിയേഷൻ.
കണ്ണൂർ അഴീക്കോട് ഗവ. വൃദ്ധസദനത്തിൽ ബ്ലാങ്കറ്റുകൾ നൽകിയായിരുന്ന സന്നദ്ധ പ്രവർത്തനം. സംഘനയുടെ കണ്ണൂർ ജില്ലാക്കമ്മറ്റിയുടെ നേതൃത്വത്തിലാണ് ബ്ലാങ്കറ്റുകൾ എത്തിച്ചു നൽകിയത്. താരത്തിന്റെ ജന്മദിനാഘോഷങ്ങൾക്ക് മുന്നോടിയായാണ് ഇക്കാര്യം സാധ്യമാക്കിയത്.
അസോസിയേഷന്റെ ഫെയ്സ്ബുക്ക് പേജിൽ വന്ന അഭ്യർത്ഥന പ്രകാരമാണ് വാളണ്ടിയേഴ്സ് മുൻകയ്യെടുത്ത് സഹായമെത്തിച്ചത്. ഇത്തരത്തിൽ കൂടുതൽ പ്രവർത്തനങ്ങളുമായി മുന്നോട്ടു പോകുകയാണ് ലക്ഷ്യമെന്നാണ് ഭാരവാഹികൾ പറയുന്നത്.