നവാഗതനായ തനു ബാലക് സംവിധാനം ചെയ്ത് പൃഥ്വിരാജ് മുഖ്യ വേഷത്തിൽ എത്തുന്ന ‘കോൾഡ് കേസ്’ നേരിട്ട് ഒ ടി ടി റിലീസിന് തയ്യാറെടുക്കുന്നു. ആന്റോ ജോസഫ്, ഷമീർ മുഹമ്മദ്, ജോമോൻ ടി ജോൺ എന്നിവർ നിർമിച്ച ഈ ചിത്രം ആമസോൺ പ്രൈമം ആണ് ഡിജിറ്റൽ അവകാശം സ്വന്തമാക്കിയിരിക്കുന്നത്. വൻ തുകക്ക് ആണ് സിനിമയുടെ അവകാശം ആമസോൺ നേടിയത് എന്നാണ് അറിയുന്നത്. അരുവി എന്ന തമിഴ് സിനിമയിലൂടെ പ്രേക്ഷകർക്ക് സുപരിചിതയായ അതിഥി ബാലൻ ആണ് സിനിമയിൽ നായികയാകുന്നത്. നീണ്ട ഇടവേളക്ക് ശേഷം പൃഥ്വിരാജ് പോലീസ് വേഷത്തിലെത്തുന്ന ഈ ചിത്രം ഒരു ഇൻവെസ്റ്റിഗേഷൻ ത്രില്ലർ ആയാണ് ഒരുക്കിയിരിക്കുന്നത്. വൈകാതെ തന്നെ സിനിമയെ സംഭന്ദിച്ച ഔദ്യോഗിക വിവരം പുറത്ത് വിടും എന്നറിയുന്നു.