പൃഥ്വിരാജ് സുകുമാരൻ നായകൻ ആകുന്ന ത്രില്ലർ ചിത്രം ‘കോൾഡ് കേസ്’ ജൂൺ 30ന് റിലീസിനെത്തുന്നു. ആമസോൺ പ്രൈമിൽ ആണ് നേരിട്ട് ഒ ടി ടി റിലീസ് ആയി സിനിമ എത്തുന്നത്. പൃഥ്വിരാജിന്റെ നേരിട്ട് ഒ ടി ടി റിലീസ് ആകുന്ന ആദ്യ സിനിമ കൂടിയാണ് കോൾഡ് കേസ്. നവാഗതനായ തനു ബാലക് സംവിധാനം ചെയ്തിരിക്കുന്ന ഈ സിനിമ ആന്റോ ജോസഫ്, ജോമോൻ ടി ജോൺ, ഷമീർ മുഹമ്മദ് എന്നിവർ ചേർന്നാണ് നിർമിച്ചിരിക്കുന്നത്. അരുവി എന്ന തമിഴ് സിനിമയിലൂടെ പ്രേക്ഷകർക്ക് ഏറെ സുപരിചിതയായ അതിഥി ബാലൻ ആണ് നായിക. അതിഥിയുടെ റിലീസിനെത്തുന്ന ആദ്യ മലയാള സിനിമ കൂടിയാണിത്. ഗിരീഷ് ഗംഗാദരൻ ആണ് ക്യാമറ. വൈകാതെ തന്നെ സിനിമയുടെ ടീസർ പുറത്തിറങ്ങും.