ശങ്കർ രാമകൃഷ്ണൻ സംവിധാനം ചെയ്ത പതിനെട്ടാം പടി തീയേറ്ററുകളിൽ വിജയകരമായി പ്രദർശനം തുടരുകയാണ്. പൃഥ്വി, ആര്യ, മമ്മൂട്ടി, എന്നിവർ അതിഥിവേഷങ്ങളിൽ എത്തുന്ന ചിത്രത്തിൽ ഒരു കൂട്ടം പുതുമുഖങ്ങൾ പ്രധാന വേഷങ്ങൾ കൈകാര്യം ചെയ്യുന്നു.
കഴിഞ്ഞ ദിവസം Dubai FM (96.7) സ്റ്റേഷന് നൽകിയ അഭിമുഖത്തിൽ പൃഥ്വി സിനിമയെക്കുറിച്ച് സംസാരിക്കുകയുണ്ടായി. ഈ സിനിമയുടെ ഈ ഒരു വിജയത്തിന് ആദ്യം നന്ദി പറയേണ്ടത് മമ്മൂക്കയോടാണെന്നും ഒരുകൂട്ടം പുതുമുഖങ്ങൾ അണിനിരക്കുന്ന ഈ ഒരു ചിത്രത്തിൽ മമ്മൂക്ക അതിഥി വേഷത്തിലെത്തിയത് തന്നെ അദ്ദേഹത്തിന്റെ ഒരു മഹത്തരമാണ് എന്ന് കൂടി പൃഥ്വി അവകാശപ്പെട്ടു. ശങ്കറിനെ പോലൊരു സുഹൃത്തിന്റെ ആദ്യ സംരംഭത്തിൽ ഭാഗമവാൻ സാധിച്ചതിൽ വലിയ സന്തോഷം ഉണ്ടെന്നും തിരുവനന്തപുരത്തു ജനിച്ച ഒരാൾക്ക് ലഭിക്കുന്ന നൊസ്റ്റാൾജിയ പോലെ തന്നെയാണ് തനിക്കും ഈ ചിത്രം എന്നും പൃഥ്വി പറയുന്നു.