ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന രണ്ടാമത്തെ സിനിമ ഔദ്യോഗികമായി പ്രഖ്യാപിച്ചു. മോഹൻലാലിനെ വെച്ചു തന്നെ വീണ്ടും സംവിധാനത്തിനൊരുങ്ങുന്ന സിനിമയുടെ ടൈറ്റിൽ ‘ബ്രോ ഡാഡി’ എന്നാണ്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ തന്നെയാണ് ഈ സിനിമയും നിർമ്മിക്കുന്നത്. മോഹൻലാലിനെ കൂടാതെ പൃഥ്വിയും സിനിമയിൽ പ്രധാനപ്പെട്ട വേഷത്തിൽ എത്തുന്നുണ്ട്. കല്യാണി പ്രിയദർശൻ ആണ് നായിക . മീന , ലാലു അലക്സ് , മുരളി ഗോപി , കനിഹ , സൗബിൻ എന്നിവർ ആണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ശ്രീജിത്ത് എൻ , ബിബിൻ മാലിയേക്കൽ എന്നിവരാണ് കഥ ഒരുക്കുന്നത്. തന്റെ മുൻ ചിത്രത്തെ പോലെ ഒരു മാസ്സ് സിനിമ അല്ല ഇതൊരു മുഴുനീള കോമഡി എന്റർടൈനർ ആയി ഒരുങ്ങുന്ന ചിത്രം ആണെന്നാണ് പൃഥ്വി ചിത്രത്തെ കുറിച്ച് സൂചിപ്പിച്ചിരിക്കുന്നത് . ഉടൻ തന്നെ ഈ ചിത്രത്തിന്റെ ഷൂട്ടിംഗ് ആരംഭിക്കും എന്നുകൂടെ പൃഥ്വി തന്റെ ഫേസ്ബുക് പോസ്റ്റിലൂടെ പറഞ്ഞു.