തമിഴിൽ നിരവധി പ്രൊജക്റ്റുകൾ റിലീസിന് തയ്യാറായി നിൽക്കുന്ന ഒരു താരമാണ് ധനുഷ്. ഒരുപാട് പുതിയ ചിത്രങ്ങളും താരത്തെ വെച്ച് പ്രഖ്യാപിക്കുന്നുമുണ്ട്. പരിയേരും പെരുമാൾ എടുത്ത മാരി സെൽവരാജിന്റെ അടുത്ത ചിത്രത്തിൽ ധനുഷ് ആയിരിക്കും നായകൻ എന്നത് നേരത്തെ തന്നെ വാർത്തകൾ വന്നതാണ്. ഇപ്പോൾ പുതുതായി അറിയാൻ കഴിയുന്നത് ഈ ചിത്രത്തിലേക്ക് നായികയായി മലയാളി താരം രജിഷ വിജയൻ എത്തുന്നു എന്നതാണ്. കലൈപുലി എസ് താണു നിർമിക്കുന്ന ചിത്രത്തിന്രെ ടീം ഈ വാർത്ത ഔദ്യോഗിമായി സ്ഥിതീകരിച്ചിട്ടില്ല.
വെട്രി മാരന്റെ ‘അസുരൻ’ ആണ് ധനുഷിന്റെ റിലീസ് ചെയ്യാനുള്ള സിനിമ. ഒക്ടോബർ 4ന് തിയേറ്ററുകളിലെത്തുന്ന ഈ ചിത്രത്തിൽ നായികയായി എത്തുന്നത് മലയാളികളുടെ പ്രിയതാരം മഞ്ജു വാര്യരാണ്. നിലവിൽ ലണ്ടനിൽ കാർത്തിക് സുബ്ബരാജിന്റെ പുതിയ ചിത്രത്തിലാണ് ധനുഷ് അഭിനയിച്ചുകൊണ്ടിരിക്കുന്നത്. ഐശ്വര്യ ലക്ഷ്മി നായികയാകുന്ന ചിത്രത്തിൽ ഒരു പ്രധാന വേഷത്തിൽ ജോജു ജോർജും അഭിനയിക്കുന്നുണ്ട്.