റിലീസ്‌ ദിവസം മുതൽ വിമർശനങ്ങൾ കൊണ്ടും ട്രോളുകൾ കൊണ്ടും സമൂഹ മാധ്യമങ്ങളിൽ ചർച്ചാവിഷയമായ സിനിമയാണ് ഒടിയൻ. ശ്രീകുമാർ മേനോൻ സംവിധാനം ചെയ്ത്‌ മോഹൻലാൽ പ്രധാന കഥാപാത്രമായ ചിത്രത്തിന് നേരെ പലതരത്തിലുള്ള വിമർശനങ്ങളാണ് വന്നുകൊണ്ടിരിക്കുന്നത്‌. ഇപ്പോഴിതാ MLA ശബരിനാഥ്‌ ആണ് ചിത്രത്തിന് നേരെ വിമർശനം ഉന്നയിച്ചിരിക്കുന്നത്‌. പരിയേരും പെരുമാൾ, സൈറത്ത്‌ പോലുള്ള തമിഴ്‌, മറാഠി ചിത്രങ്ങൾ ജാതി, വർണ്ണ വിവേചനത്തിനെതിരെ സംസാരിക്കുമ്പോൾ നമ്മൾ മലയാള സിനിമ ഇപ്പോഴും അതിനെ പ്രോത്സാഹിപ്പിക്കുന്നു എന്നാണ് അദ്ദേഹം അഭിപ്രായപ്പെട്ടത്‌.
പൊതുപരിപാടിയിൽ സംസാരിക്കുന്നതിനിടെയാണ് അദ്ദേഹം ചിത്രത്തെ പറ്റി ഇത്തരമൊരു അഭിപ്രായം പങ്കു വച്ചത്. ചിത്രത്തിൽ മഞ്ജു വാര്യർ അവതരിപ്പിച്ച കഥാപാത്രം വില്ലൻ കഥാപാത്രം അവതരിപ്പിച്ച പ്രകാശ്‌ രാജിനെതിരെ വർണ്ണ വിവേചന പരമായ രീതിയിൽ സംസാരിച്ചത്‌ ആണ് MLA ചൂണ്ടിക്കാട്ടുന്നത്‌.
