മലയാളത്തിന്റെ മഹാനടൻ മമ്മൂട്ടി ഇന്ന് 69ആം പിറന്നാൾ ആഘോഷിക്കുകയാണ്. ആരാധകരും സിനിമ ലോകം മുഴുവനും അദ്ദേഹത്തിന് ആശംസകൾ നേർന്നുകൊണ്ടിരിക്കുകയാണ്. ഇക്കൂട്ടത്തിൽ നടി സനുഷയുടെ ആശംസയാണ് ഏറെ രസകരവും കൗതുകവുമായി വൈറൽ ആയികൊണ്ടിരിക്കുന്നത്‌. ഏകദേശം 2004 ൽ കുഞ്ഞുതാരമായിരുന്നപ്പോൾ സനുഷ ഒരു അഭിമുഖത്തിൽ മമ്മൂട്ടിയെ പറ്റി പറഞ്ഞ വീഡിയോ ആണ് താരം തന്നെ തന്റെ ഇൻസ്റ്റഗ്രാം അക്കൗണ്ടിലൂടെ പങ്കുവെച്ചിരിക്കുന്നത്‌. 2004ൽ പുറത്തിറങ്ങിയ കാഴ്ച എന്ന സിനിമയിൽ മമ്മൂട്ടിയുടെ മകളായി സനുഷ വേഷമിട്ടിരുന്നു.