ബാലതാരമായെത്തി വിസ്മയിപ്പിച്ച് പിന്നീട് നായികയായി തിളങ്ങിയ നടിയാണ് ശാലിനി.മലയാളത്തിനും തമിഴിനും പ്രിയപ്പെട്ട താരം. ഫാസിലിന്റെ എന്റെ മാമാട്ടിക്കുട്ടിയമ്മയിലൂടെയായിരുന്നു ശാലിനി സിനിമയിൽ അരങ്ങേറിയത്. പിന്നെ നിരവധി ചിത്രങ്ങളിൽ ബാലതാരമായി. ഒരിടവേളയ്ക്കു ശേഷം നായികയായി തിരിച്ചെത്തി. പിന്നീട് തമിഴിലേക്കും. തമിഴകത്തിന്റെ സ്വന്തം തല അജിത്തിനെ പ്രണയിച്ച് വിവാഹം കഴിച്ചും. ഇപ്പോൾ സിനിമയിൽ നിന്ന് വിട്ട് നിൽക്കുകയാണ് താരം. ബാഡ്മിന്റൺ താരം കൂടിയാണ് ശാലിനി.
തമിഴ്നാടിന്റെ മരുമകളായെങ്കിലും. മലയാളത്തിലെ സൗഹൃദങ്ങൾ കാത്തു സൂക്ഷിക്കുന്നുവെന്നാണ് ശാലിനി പറയുന്നത്. എല്ലാവരുമായും നല്ല ബന്ധമാണ് നിലനിൽക്കുന്നത്. ഈയിടെ ഓണാഘോഷത്തെക്കുറിച്ചുള്ള താരത്തിന്റെ ഓർമ്മകളാണ് ഇപ്പോൾ വാർത്തകളിൽ നിറയുന്നത്.
പൂക്കളമിട്ടും, സദ്യയൊരുക്കിയും ഫ്രണ്ട്സിന്റെ വീട്ടില്‍ പോയും ഒക്കെ ഓണം ആഘോഷിക്കാറുണ്ട്. ഓരോ ആഘോഷവേളകളിലും മലയാള സിനിമകളിലെ എന്റെ പ്രിയപ്പെട്ട സഹപ്രവര്‍ത്തകര്‍ എന്നെ വിളിച്ച്‌ ആശംസകള്‍ അറിയിക്കാറുണ്ട്. ചെന്നൈയിലും എനിക്ക് ഒരുപാട് മലയാളി സുഹൃത്തുക്കളുണ്ട്. അവരും എനിക്ക് ആശംസ അറിയിക്കാറുണ്ട്. ഞാന്‍ തിരിച്ചും ആശംസകള്‍ പറയാറുണ്ടെന്നും ശാലിനി പറയുന്നു.
