തങ്ങളുടെ ജീവിതത്തെ കുറിച്ച് മനസുതുറക്കുകയാണ് തെന്നിന്ത്യൻ താരം ശാലിനി. തമിഴ് സൂപ്പര്‍താരം അജിത്തുമായുള്ള വിവാഹശേഷം കഴിഞ്ഞ 21 വര്‍ഷമായി അവർ സിനിമയില്‍ നിന്ന് വിട്ടുനില്‍ക്കുകയാണ്. ശാലിനി വീണ്ടും സിനിമയിലേക്ക് മടങ്ങിയെത്തുന്നതായ ചില റിപ്പോര്‍ട്ടുകള്‍ അടുത്തിടെ വന്നിരുന്നെങ്കിലും അത്തരം വാര്‍ത്തകള്‍ തള്ളി അവർ തന്നെ രംഗത്തെത്തിയിരുന്നു.
കൗമുദിക്ക് നല്‍കിയ അഭിമുഖത്തില്‍ ആണ് ശാലിനി മനസ്സ് തുറക്കുന്നത്. തങ്ങളുടെ വിജയകരമായ ദാമ്പത്യത്തിന്റെ രഹസ്യം എന്താണെന്ന് ചോദിക്കുന്ന നിരവധി പേര്‍ ഉണ്ടെന്നും അതിന് ഒരു കാരണമുണ്ടെന്നും പറയുകയാണ് ശാലിനി. തങ്ങള്‍ക്കിടയില്‍ ഒരു രഹസ്യങ്ങളും ഇല്ലെന്നതാണ് തങ്ങളുടെ ദാമ്പത്യത്തിന്റെ വിജയരഹസ്യമെന്നാണ് താരം പറയുന്നത്.
മിക്ക കുടുംബങ്ങളിലും, ‘നീ എന്റെ ഭാര്യയാണ്, അതിനാല്‍ ഞാന്‍ പറയുന്നതെന്തും നീ അനുസരിക്കണം’ എന്നു പറയുന്ന ഭര്‍ത്താക്കന്മാരാണ് ഉള്ളത്. എന്തു കാര്യമുണ്ടായാലും പരസ്പരം തുറന്നു സംസാരിക്കുക എന്നതാണ് അവരുടെ രീതി എന്നും ശാലിനി പറയുന്നു. പരസ്പരം ബഹുമാനം കൊടുക്കുന്നവരാണ് അജിത്തും താനും എന്നും ശാലിനി പറയുന്നു.