മലയാളികൾക്ക് മറക്കാനാകാത്ത അഭിനേതാവാണ് ശങ്കരാടി. വൈവിധ്യമാർന്ന കഥാപാത്രങ്ങളായി നിരവധി ചിത്രങ്ങളിൽ വെള്ളിത്തിരയിൽ നിറഞ്ഞു നിന്നിരുന്ന വ്യക്തിയാണ് അദ്ദേഹം. ശങ്കരാടിയോടൊപ്പമുള്ള നിമിഷങ്ങൾ ഓർ‌ത്തെടുത്ത് പല പ്രമുഖ താരങ്ങളും പങ്കുവയ്ക്കാറുണ്ട്. ഇപ്പോഴിതാ അത്തരത്തിലൊരു രസകരമായ അനുഭവമാണ് വാർത്തകളിൽ നിറയുന്നത്.
മോഹൻലാൽ സൂപ്പർ സ്റ്റാർ പദവിയിലേക്ക് വളർന്നുകൊണ്ടിരിക്കുന്ന സമയത്ത് നടന്ന സംഭവമാണിത്. ഒരു ഘട്ടത്തില്‍ ലാല്‍ ശങ്കരാടിയോട് ചോദിച്ചു. എന്നെയാണഓ മമ്മൂക്കയാണോ ചേട്ടന് കൂടുതലിഷ്ടം എന്ന്. ശങ്കരാടി ഇരിക്കുമ്പോള്‍ പിറകെ വന്ന് തോളില്‍ കൈയിട്ടുകൊണ്ടായിരുന്നു മോഹന്‍ലാലിന്റെ ചോദ്യം.
ആദ്യമൊന്നും അദ്ദേഹം ആ ചോദ്യത്തിന് മറുപടി പറയാൻ തയ്യാറായില്ല. എന്നാൽ ലാലിന് വിടാൻ ഭാവമില്ലായിരുന്നു. കുറേ ദിവസം ചോദ്യം ആവർത്തിച്ചപ്പോൾ ശങ്കരാടി പറഞ്ഞു എനിക്കിഷ്ടം മമ്മൂട്ടിയെയാണെന്ന്. ചിരിച്ചുകൊണ്ടാണ് താരം ആ മറുപടി സ്വീകരിച്ചത്. ശങ്കരാടിയുടെ അന്നത്തെ തുറന്നുപറച്ചിൽ കൈയ്യടിച്ചാണ് സോഷ്യൽ മീഡിയയും ഇപ്പോൾ സ്വീകരിച്ചത്.