തെന്നിന്ത്യയിലെ ഏക്കാലത്തേയും മികച്ച നടിമാരിൽ ഒരാളാണ് ശോഭന. പ്രേക്ഷകരുടെ ഇഷ്ട നായിക. കുറച്ചു നാലായി താരം സിനിമയിൽ സജീവമല്ല. നൃത്തത്തിലാണ് ശ്രദ്ധ കേന്ദ്രീകരിച്ചിരിക്കുന്നത്. ഇടയ്ക്കിടക്ക് തന്റെ സിനിമാ അനുഭവങ്ങളെക്കുറിച്ചെല്ലാം ഓർമ്മ പുതുക്കാനും ശോഭന ശ്രമിക്കാറുണ്ട്. സിനിമയിലെ ക്ലോസായിട്ടുളള റൊമാന്റിക്ക് രംഗങ്ങളെ കുറിച്ച്‌ ശോഭന പറഞ്ഞ കാര്യങ്ങള്‍ സോഷ്യല്‍ മീഡിയയില്‍ വൈറലായി മാറിയിരുന്നു. മലയാള സിനിമയിൽ ഇത്തരം രംഗങ്ങൾ ചെയ്യാൻ മടിയായിരുന്നുവെന്നാണ് താരം പറഞ്ഞത്.
തമിഴ്, തെലുങ്ക് ഭാഷകളില്‍ വലിയ സിനിമകള്‍ ആയതിനാല്‍ ലൊക്കേഷനില്‍ നിയന്ത്രണം ഉണ്ടാകുമായിരുന്നു. എന്നാല്‍ മലയാളത്തില്‍ ചെയ്തപ്പോള്‍ അതായിരുന്നില്ല സ്ഥിതിയെന്നും നടി പറയുന്നു. കേരളത്തിൽ ആളുകൾ ഒരുപാട് നോക്കി നിൽക്കും അത് വലിയ പ്രശ്നമായിരുന്നു ആദ്യം പിന്നെ ശീലമായെന്നും ശോഭന പറഞ്ഞു.
