ചുരുങ്ങിയ കാലയളവിനുള്ളിൽ തന്നെ മലയാളികളുടെ ഇഷ്ടതാരമായി മാറിയ നടനാണ് സൗബിൻ ഷാഹിർ. കൊമേഡിയനായും സഹനടനായും നായകനായുമെല്ലാം വൈവിധ്യമാർന്ന നിരവധി കഥാപാത്രങ്ങൾക്ക് സൗബിൻ ജീവൻ നൽകിയിട്ടുണ്ട്. താരത്തിന്റെ ജന്മദിനമാണിന്ന്.
ഇഷ്ടതാരത്തിന് ആശംസകൾ നേർന്ന് ആരാധകർ എത്തിക്കഴിഞ്ഞു. സഹതാരങ്ങളാകടെട സൗബിനൊപ്പമുള്ള നിമിഷങ്ങൾ പങ്കുവച്ചാണ് ആശംസ അറിയിച്ചിരിക്കുന്നത്. ദുൽഖർ സൽമാനടക്കമുള്ള പ്രമുഖതാരങ്ങൾ സൗബിനൊത്തുള്ള ചിത്രങ്ങൾ പങ്കുവച്ചിരുന്നു.
അസിസ്റ്റന്റ് ഡയറക്ടര്‍ ആയി മലയാള സിനിമയിലേക്ക് ചുവടുവച്ച്‌ സൗബിന്‍ രാജീവ് രവി ചിത്രം അന്നയും റസൂലിലൂടെയാണ് അഭിനയരംഗത്തേക്ക് ചുവടുവച്ചത്. മഹേഷിന്റെ പ്രതികാരം പ്രേമം കുമ്പളങ്ങി നൈറ്റ്സ് തുടങ്ങിയ ചിത്രങ്ങൾ അദ്ദേഹത്തെ ജനപ്രിയ താരമാക്കി മാറ്റി. ഒപ്പം നിരൂപകപ്രശംസ നേടിയ കഥാപാത്രങ്ങളേയും സൗബിൻ അവതരിപ്പിച്ചു.
ഭദ്രന്‍ ഒരുക്കുന്ന ജൂതന്‍, സിദ്ധാര്‍ഥ് ഭരതന്‍ സംവിധാനം ചെയ്യുന്ന ജിന്ന്, ഒടിടി പ്ലാറ്റ്‌ഫോമില്‍ ഒരുങ്ങുന്ന ഇരുള്‍ എന്നിവയാണ് സൗബിന്റെതായി അണിയറയില്‍ ഒരുങ്ങുന്ന ചിത്രങ്ങള്‍.
