രാഹുൽ രാജ്‌ ഈണമിട്ട ഹരിചരൺ ആലപിച്ച എസ്‌ പി ബാലസുബ്രമണ്യത്തിനുള്ള ട്രിബ്യൂട്ട്‌ ഗാനം ഇരു കയ്യും നീട്ടി സ്വീകരിച്ച്‌ പ്രേക്ഷകർ. കോപ്പിറൈറ്റ്‌ പ്രശ്നം കാരണം ആദ്യം അപ്‌ലോഡ്‌ ചെയ്ത വീഡിയോ നീക്കം ചെയ്യപ്പെട്ടിരുന്നു. ഏതാണ്ട്‌ 1 ലക്ഷത്തിന് മുകളിൽ കാഴ്ചക്കാർ വന്നതിന് ശേഷമായിരുന്നു ഇങ്ങനെയൊരു നീക്കം സംഭവിച്ചത്‌. മലേഷ്യൻ ഇവന്റ്‌ മാനേജ്‌മന്റ്‌ ടീം ആയിരുന്നു വീഡിയോയിൽ എസ്‌ പി ബി യുടെ ഒരു അഭിമുഖത്തിന്റെ ചെറിയ ഭാഗം ഉൾപ്പെടുത്തിയതിനെതിരെ ഇങ്ങനെ ഒരു നീക്കം നടത്തിയത്‌. ഏതായാലും വീണ്ടും ഗാനം യൂട്യൂബിൽ വന്നപ്പോൾ പ്രേക്ഷകർ സ്വീകരിച്ചു എന്നതിന് തെളിവാണ് ഗാനത്തിന് കിട്ടിക്കൊണ്ടിരിക്കുന്ന കാഴ്ചക്കാരുടെ എണ്ണവും കമൻസും സൂചിപ്പിക്കുന്നത്‌. 1,70000 ൽ അധികം കാഴ്ചക്കാർ ആണ് 2 ദിവസത്തിനുള്ളിൽ ഗാനം യൂട്യൂബിൽ കണ്ടത്‌. നിർമ്മാതാവും ഗാനരചയിതാവുമായ രാജീവ്‌ ഗോവിന്ദന്റെ പ്രൊഡക്ഷൻ ഹൗസായ വാട്ടർബൗണ്ട്‌ മീഡിയ യൂട്യൂബ്‌ ചാനലിൽ ആണ് ഗാനം പോസ്റ്റ്‌ ചെയ്തിരിക്കുന്നത്‌. പരസ്യ ചിത്രങ്ങളിലൂടെ പ്രശസ്തനായ മഗേഷ്‌ കൊല്ലേരിയാണ് സംവിധാനം നിർവഹിച്ചിരിക്കുന്നത്‌.