ഞെട്ടിക്കാൻ സാക്ഷാൽ രാജമൗലി വീണ്ടും എത്തുന്നു. ഇന്ത്യൻ സിനിമക്ക്‌ അഭിമാനമായ ബാഹുബലി സമ്മാനിച്ച സംവിധായകൻ ഇത്തവണ എത്തുന്നത്‌ ഏതാണ്ട്‌ 350 കോടിയോളം രൂപ ബഡ്‌ജറ്റിൽ ഒരുങ്ങുന്ന ബാഹിബലിയേക്കൾ വലിയ ചിത്രവുമായിട്ടാണ്. RRR അഥവാ രൗദ്രം രണം രുധിരം എന്ന് പേരിട്ടിരിക്കുന്ന ചിത്രത്തിൽ റാം ചരണും ജൂനിയർ NTRഉം ആണ് പ്രധാന വേഷത്തിലെത്തുന്നത്‌. ഇവരെ കൂടാതെ അജയ്‌ ദേവ്ഗൺ, ആലിയ ഭട്ട്‌ നിരവധി ഹോളിവുഡ്‌ താരങ്ങളും ചിത്രത്തിൽ അണിനിരക്കുന്നുണ്ട്‌. ചിത്രത്തിന്റെ ഗംഭീര മോഷൻ പോസ്റ്റർ അണിയറ പ്രവർത്തകർ ഇന്ന് പുറത്തിറക്കുകയുണ്ടായി. തെലുഗു, മലയാളം, തമിഴ്‌, കന്നഡ, ഹിന്ദി തുടങ്ങി 5 ഭാഷകളിലായാണ് ചിത്രം ഒരുങ്ങുന്നത്‌.
1920 കാലത്തെ ഇന്ത്യൻ കാലഘട്ടവും അല്ലൂരി സീതാരാമ രാജു, കോമരം ഭീം തുടങ്ങിയ വിപ്ലവകാരികളായ സ്വാതന്ത്ര്യ നേതാക്കളെയും കുറിച്ചാണ് സിനിമ എന്നറിയുന്നു. യഥാക്രമം റാം ചരണും ജൂനിയർ എൻ ടി ആറും ആ വേഷങ്ങളിൽ എത്തും. ഡി വി വി എന്റർടൈന്മെന്റ്സ്‌ ആണ് ഈ ബ്രഹ്മാണ്ഡ ചിത്രം നിർമ്മിക്കുന്നത്‌. എം എം കീരാവണി സംഗീതം ഒരുക്കുന്ന ചിത്രത്തിന്റെ ഛായാഗ്രഹണം കെ കെ സെന്തിൽ കുമാറാൺ. രാജമൗലിയുടെ അച്ഛനും ബാഹുബലിക്ക്‌ കഥയൊരുക്കിയ വിജയേന്ദ്ര പ്രസാദ്‌ ആണ് ഇതിനും കഥയൊരുക്കുന്നത്‌. അടുത്ത വർഷം ജനുവരി 8ന് ആണ് ചിത്രത്തിന്റെ റിലീസ്‌ തീരുമാനിച്ചിരിക്കുന്നത്‌.
