പൃഥ്വിരാജ്-പാര്‍വതി കൂട്ടുകെട്ടില്‍ എത്തിയ ഹിറ്റ് സിനിമ ആയിരുന്നു ‘എന്ന് നിന്റെ മൊയ്തീന്‍’. മലയാളി പ്രേക്ഷകര്‍ ഒന്നടങ്കം ഏറ്റെടുത്ത സിനിമയായിരുന്നു ഇത്. ആര്‍എസ് വിമല്‍ ആയിരുന്നു സിനിമ സംവിധാനം ചെയ്തത്. പ്രണയവും വിരഹവും ആയിരുന്നു സിനിമയുടെ ഇതിവൃത്തം. യഥാർത്ഥ സംഭവത്തിൽ നിന്ന് പ്രചോദനം ഉൾക്കൊണ്ടാണ് സിനിമ ഒരുക്കിയത്.
‘എന്ന് നിന്റെ മൊയ്തീനി’ല്‍ പൃഥ്വിരാജിനൊപ്പം പ്രധാന വേഷത്തില്‍ എത്തിയ താരമാണ് സുധീര്‍ കരമന. മുക്കം ഭാസി എന്ന കഥാപാത്രത്തെയാണ് നടന്‍ സിനിമയിൽ അവതരിപ്പിച്ചത്. ഈ വേഷത്തിൽ താൻ എത്തിയത് പൃഥ്വിരാജ് വിളിച്ചിട്ടാണ് എന്ന് സുധീർ അടുത്തിടെ നൽകിയ ഒരു അഭിമുഖത്തിൽ പറയുന്നു. മാസ്റ്റർ ബിൻ എന്ന ഓൺലൈൻ ചാനലിലാണ് താരം മനസ് തുറന്നത്.
വാസ്തവം എന്ന സിനിമയുടെ ലൊക്കേഷനിൽ പൃഥ്വിരാജിന്റെ ഉള്ളിലെ സംവിധായകനെ തിരിച്ചറിഞ്ഞു എന്നും സുധീർ പറയുന്നു. ഓരോ സീനിലും പൃഥ്വിക്ക് അദ്ദേഹത്തിന്റേതായ ഒരു വീക്ഷണം ഉണ്ടാകും. പല സിനിമകളിലും ഈ ഇൻവോൾവ്മ്നെറ്റ് കണ്ടിട്ടുണ്ട് എന്നും അദ്ദേഹം തുറന്ന് പറയുന്നു.
മുക്കം ഭാസി സിനിമയിലെ തന്റെ കഥാപാത്രത്തെ അനുമോദിച്ചത് ഹൃദ്യമായ അനുഭവം ആയിരുന്നു എന്നും സുധീർ പറയുന്നു. ജീവിച്ചിരിക്കുന്ന ആളുകളെ അവതരിപ്പിക്കുമ്പോൾ അവരുടെ അഭിപ്രായം ഏറ്റവും പ്രധാനമാണ് എന്നും അദ്ദേഹം പറയുന്നു.