സന്തോഷ് ശിവന് സംവിധാനം ചെയ്യുന്ന പുതിയ ചിത്രത്തില് നായകനാകാനൊരുങ്ങി സുരാജ് വെഞ്ഞാറമൂട്. നാല് ക്രൈം സ്റ്റോറികള് ചേര്ന്നൊരുക്കുന്ന ആന്തോളജി ചിത്രമാണിത്. സന്തോഷ് ശിവന് ചിത്രത്തില് സുരാജ് വെഞ്ഞാറമൂട് ഇതാദ്യമാണ്. ശ്രീ ഗോകുലം ഫിലിംസ് (പ്രൈ) ലിമിറ്റഡിന്റെ ബാനറില് ഗോകുലം ഗോപാലന് നിര്മ്മിക്കുന്ന ചിത്രത്തിന്റെ ഷൂട്ടിംഗ് ഡിസംബര് 15ന് തിരുവനന്തപുരത്ത് തുടങ്ങും.
ചിത്രത്തിന്റെ രചന നിര്വഹിക്കുന്നത് എസ്. സുരേഷ് ബാബുവാണ്. മറ്റു താരങ്ങളെ നിശ്ചയിച്ചിട്ടില്ല. തമിഴിലെ സൂപ്പര്ഹിറ്റ് ചിത്രം മാ നഗരത്തിന്റെ റീമേക്കാണ് സന്തോഷ് ശിവന്റെ മറ്റൊരു പ്രോജക്ട്. മഞ്ജുവാര്യരെ കേന്ദ്ര കഥാപാത്രമാക്കി ജാക്ക് ആന്ഡ് ജില് എന്ന ചിത്രവും പൂർത്തിയായിക്കഴിഞ്ഞു.