കസബയ്ക്ക് ശേഷം നിഥിന് രണ്ജി പണിക്കര് രചനയും സംവിധാനവും നിര്വഹിക്കുന്ന ചിത്രത്തില് സുരേഷ് ഗോപിയും ലാലും തുല്യ പ്രാധാന്യമുള്ള വേഷങ്ങളവതരിപ്പിക്കുന്നു. ഗുഡ്ലൈന് എന്റര്ടെയ്ന്മെന്റ്സിന്റെ ബാനറില് എം.കെ. നാസര് നിര്മ്മിക്കുന്ന ഇനിയും പേരിട്ടിട്ടില്ലാത്ത ഈ ചിത്രത്തിന്റെ ഷൂട്ടിംഗ് ആഗസ്റ്റ് അവസാന വാരം ആരംഭിക്കും.
ഇടുക്കിയുടെ ഉള്നാടന് പ്രദേശങ്ങളാണ് കാടിന്റെ പശ്ചാത്തലത്തിലൊരുങ്ങുന്ന ഈ ചിത്രത്തിന്റെ പ്രധാന ലൊക്കേഷന്.
ഒരു യുവനായികയായിരിക്കും ചിത്രത്തിലെ പ്രധാന സ്ത്രീ കഥാപാത്രത്തെ അവതരിപ്പിക്കുന്നത്. താരനിര്ണയം പൂര്ത്തിയായി വരുന്ന ഈ ചിത്രത്തിന് കാമറ ചലിപ്പിക്കുന്നത് ഭയാനകം, രൗദ്രം 2019 എന്നീ ചിത്രങ്ങളുടെ ഛായാഗ്രാഹകനായ നിഖില് എസ്. പ്രവീണാണ്. എഡിറ്റര് : മന്സൂര് മുത്തൂട്ടി, കോസ്റ്റ്യൂം ഡിസൈനര് : നിസാര് റെഹ്മത്ത്, പ്രൊഡക്ഷന് കണ്ട്രോളര് : സഞ്ജയ് പടിയൂര്, കലാസംവിധാനം : രാഖിന്.
നേരത്തെ രണ്ജി പണിക്കരുടെ തിരക്കഥയില് സുരേഷ് ഗോപിയെ നായകനാക്കി ലേലത്തിന്റെ രണ്ടാം ഭാഗം ചെയ്യാനായിരുന്നു നിഥിന്റെ പ്ളാന്. പക്ഷേ ചില സാങ്കേതിക കാരണങ്ങളാല് ആ പ്രോജക്ട് നീട്ടിവച്ചതിനെ തുടര്ന്നാണ് സ്വന്തം തിരക്കഥയില്ത്തന്നെ ഒരു സുരേഷ്ഗോപി ചിത്രമൊരുക്കാന് നിഥിന് തീരുമാനിച്ചത്.